【亮說亮話】近兩年樓價升幅往哪裏去了(湯文亮)

更新時間 (HKT): 2020.04.13 12:00

即使未有新冠疫情,我在過去兩年發表的樓市預測都是睇淡,理由是樓價已經超過一般市民的負擔能力,買樓自住還可以,但買樓投資似乎不是好時機,最好還是袋多個錢傍身,這句話從來沒有人提及,反而在過去兩年,不少買了樓的人,見到我都會話好彩冇聽我講,否則就損失慘重。

但最近我翻查兩年前坊間樓價指數,竟然與今日大致相同,唔怪之得最近無人話好彩冇聽我講,不過,這兩年不斷聽到樓價上升,究竟升幅去了哪裏。

很多人講樓市,都是報喜不報憂,上升時候大大聲講,下跌時候可以唔講就唔講,就算講都避重就輕,就算坊間樓價指數都是一樣,雖然指數現在與兩年前一樣,但近期買樓的人知道,他們買入的單位,不但比以前平,而且質素亦比以前好。

按真實情況,樓價指數應該下跌;但現在不但與兩年前一樣,而且仲畀人一個感覺樓價在這兩年有一定升幅,是不是有點奇怪?不過亦不是甚麼大不了的事,只要在這兩年買樓的人自我感覺良好便可以,無謂太執着樓市升跌。

湯文亮

關心你飯碗,貼近你生活,即Like「蘋果ATM」FB專頁!
BannerBanner