【KOL直播】藥房佬變帶貨網紅 2小時直播搵10萬生意

更新時間 (HKT): 2020.07.02 00:00

「買佢啦!一蚊好抵咋!仲包埋送貨呀!」近年網上直播成為社交媒體熱潮,中國網紅KOL透過直播銷售模式成為新潮流,去年單計淘寶直播已高達2,000億人民幣。近月網紅帶貨熱潮席捲香港,在肺炎疫情影響下,加速了網購消費,除了網購平台,就連只做實體店的藥房亦踩過界做網紅直播銷售,在疫市當中突圍而出,一晚兩小時的直播,就能創出6位數字生意額。

不過1元燒錢並非長久之策,當無大額折扣後,首先流失的便是貪便宜的客人,Sonic亦表示留住觀眾是一大挑戰:「每一場做完我都不停睇返自己,例如講嘢聲線,同啲網友有冇交流,網友同你say hi同問嘢,你即刻覆到佢,佢哋係會覺得好開心。」直到最近一周,觀看人數有回升,網站的follower數目突破1萬,他坦言香港市場不及中國市場那麼大:「計返active嘅mobile user得300至400萬,比起而家1,000人睇個直播,仲有好大距離。」目前每一場直播銷售額逾6位數字,由初期一星期一場增至一星期開兩場,預期5個月後可收支平衡。不過直播限購銷售方式,始終有樽頸位,簡單來說,一星期開足7日直播已是極限,Sonic亦坦誠面對此問題,「儲落一班粉絲,再配合一個大型網購平台,即係除咗直播銷售嘅產品,個網站平日都會賣其他嘢,係一個可以細水長流嘅做法。」

-----------------------------

關心你飯碗,貼近你生活,即Like「蘋果ATM」FB專頁!
BannerBanner