【港版國安法】壹傳媒急升最多逾3倍 上市以來最大成交 傳媒股紛爆升

更新時間 (HKT): 2020.08.10 16:16

【更新股價】今日(10日)清晨,警方以《壹傳媒》創辦人黎智英涉嫌違反《國安法》罪名將其拘捕,當中涉及被捕人數達7名,包括多名《蘋果日報》高層,其後近200名警員進入《蘋果》大樓,黎智英雙手反綁被警方帶到其辦公室。壹傳媒股價今早一度急跌16%,低見0.075元後,有買盤迅速吸納,令股價午後掉頭一度急升344%,高見0.4元,收報0.255元,升183%,成交3.94億元,市值由2億反彈至6.7億元,成為升幅最大港股,成交額3.94億元,為2000年借殼上市以來最大成交。

壹傳媒炒高亦連帶其他傳媒股爆升,毛記葵涌(1716)一度炒高近2倍,高見1.5元,收市升47%至0.75元;《明報》母公司世界華文媒體(685)曾升57%,收市漲幅收窄至9.8%,報0.28元;東方報業(018)曾升兩成,收市僅升2.4%報0.42元;賣盤憧憬的星島(1105)曾升8%,收市僅漲1.4%,報1.44元。

《蘋果日報》面對打壓影響股價,有KOL抱不平,財經專欄作家渾水於港股中午收市期間,於FB出帖表示於0.078元買入122萬股壹傳媒,其提供買入截圖,總代價9.5萬元。

渾水回應本報指,他響應KOL「無神論者的巴別塔」的做法,坦言不知悉股價大升原因,最後他沽出部份壹傳媒股份,所賺取的將會以獎學金形式捐助中大學生。他表示幾個月前曾向中大學生派了獎學金近10萬元,作為中大校友,希望每年可以每年做這一件事。

目前仍有一手壹傳媒股份,希望預留到稍後出席壹傳媒股東會。

以下為渾水FB帖文全文(粗口以X字代替):

「今日個人都冇乜理性,所以做咗啲非理性決定。

是但乜都好,啱啱睇盤,平時壹傳媒冇乜成交,冇流動性,好難買。咁啱見到0.078有122萬股,即刻掃咗先,當支持下,輸X晒比人哋強制清盤就由X佢。

雖然我只係壹傳媒寫左六年嘅專欄作家,但係感覺距離出事又再近少少,既然係咁,都唔爭在做埋你股東。

最主要都係見到無神論者的巴別塔講咗幾句

//不嬲唔妥壹傳媒,尤其《蘋果》曾經開名搞X過我,有晒牙齒印

但睇見肥佬黎被捕,始終都係有種兔死狐悲嘅感覺,最後一個死頂共產黨嘅主流媒體,隨時一鋪玩X完

睇住件事發生緊唔知有乜做倒,話撐又唔想學班「黃標KOL」得把口然後繼續叫人課金課金課金;落街買份蘋果又太過微不足道;

唯有買幾十萬股282做個微股東表示支持,輸X晒就由佢//

投資涉及風險,大家千祈唔好模仿。」

另一KOL「無神論者的巴別塔」亦於FB表示,以0.077元買入30萬股壹傳媒,涉資2.31萬元。以收市價計,「無神論者的巴別塔」的支援行動,亦為他帶來5.34萬元的賬面利潤。

「無神論者的巴別塔」向本報記者回應指:「今朝買係因為肥佬黎比人拉咗,覺得要撐佢,但覺得單單靠SHARE NEWS係唔夠,訂蘋果、買報紙金額太少;又咁啱想比較下蘋果股價同安樂股價,睇倒有30萬沽盤喺0.077,神推鬼擁之下就掃哂佢。

傻嘅先會覺得當時賺錢,但有計過,而家壹仔賬面值其實唔差,只要無俾中共凍結資產,當低多四五成都係蝕萬幾,我仲蝕得起,以前一個月買文具都唔止呢個錢。」

香港資訊科技商會榮譽會長方保僑亦於其FB表示購入壹傳媒(282):「今日買咗未?我當預先畀咗十年訂閱費。」其截圖顯示以買入價0.176元,買入5萬股,涉資8,800元,以收市價0.255元計,市值1.27萬元,賬面賺近4,000元。

方保僑表示效法渾水做法,買壹傳媒股份沒考慮太多,亦不打算沽出,當支付十年訂閱費。「新聞自由係無價嘅,傳媒企業要有一啲支持,股價支持都非常重要,反映公司健唔健康,究竟運作如何,港人對壹傳媒做嘅嘢都有目共暏。」

另外,今日下午時間WhatsApp群組瘋傳:「我個friend話佢今日收到港交所電話,要佢哋提供今日有trade 282(壹傳媒)嘅人嘅list」。就這宗傳言,港交所(388)發言人僅表示不評論個別公司。

以下為渾水上載於FB的交易截圖:

以下為「無神論者的巴別塔」上載於FB之買股截圖:

-----------------------------

【全球樓行】 Dream House零距離

屬於香港人的移民攻略

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新

iOS / Android


關心你飯碗,貼近你生活,即Like「蘋果ATM」FB專頁!
BannerBanner