【職場慧眼】點樣應付偽君子 (張慧敏)

更新時間 (HKT): 2020.08.11 15:59
不是所有飯都可以哽得落的,不過食還是不食的選擇決定權,掌握在自己手中。

「Dear Son姐,可唔可以教吓我點樣應付偽君子?明明親手在背後插一刀,還要做好人扮無知個兇手若無其事幫你止血兼包紮,簡直令人作嘔!仲有我老細,口不對心佢最勁,總係以佢係鬼仔性格做藉口合理化所有行為,咁即是殺人放火都得?」

你所講的偽君子,都只是很平凡一般表面化的偽君子,其實並不難對付應付。真正的偽君子,表面上行為上交往上完全看不出內裏原來是幾咁虛偽虛假,笑騎騎放毒蛇,死了在他手上,還堅信他是好人,認定兇手另有其人。

應付這種級數的偽君子,其實很簡單,記住認真便輸了!擺到明虛假,你何必認真?學習抽離一點,繑埋雙手,放長雙眼,當睇馬騮戲咁睇就啱喇!

出來社會做人做事,第一件事你要學會的,是看穿不說穿,看破不說破、是非皆因多開口,煩惱皆因強出頭。Corporate Jungle顧名思義,甚麼珍禽異獸各適其適大小人物都有,簡直嘆為觀止,識得睇其實好好睇,有心學有排你學,順便練吓自己EQ,正反面教材都是教材,畀啲心機好好慢慢學,日子有功,職場行走無往不利。題外話,我本動物扮工室你睇咗未?買本來看看,對你身心都有益!

至於老細,老闆三個口細字四個口,擺到明有佢講冇你講,其實唔使扮鬼仔,都可以冠冕堂皇合理化所有在我們看來完全不合理的行為和事。是否殺人放火都得?Well……出得起錢,何須自己出手?有些所謂人,為條狗骨自甘墮落甘願作賤自己為他人作劊子手。

是咁的,自己知自己事,不是所有飯都可以鯁得落的,不過食還是不食的選擇決定權,掌握在自己手中。最可怕的是,被潛移默化了不自知,結果成為了一個自己都看不起自己的人。

-----------------------------

【全球樓行】 Dream House零距離

屬於香港人的移民攻略

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新

iOS / Android


關心你飯碗,貼近你生活,即Like「蘋果ATM」FB專頁!
BannerBanner