【異動空間】染藍實戰操作攻略 - 魏力

更新時間 (HKT): 2020.08.14 02:00
■恒指今日收市後公佈換馬,市場焦點是三隻W股會否「染藍」,不過現價再買W股,值博率頗低。 資料圖片

俄國疫苗橫空出世,即時燃起經濟復蘇的憧憬。拜登公佈由黑人女參議員Kamala Harris擔任競選拍檔,有分析指出,Kamala與科網企業交情匪淺,如民主黨成功入主白宮,可以紓緩近年華府與科企的緊張關係。

消息公佈翌日,本來弱勢漸成的納指大升2.1%。更值得關注有兩個指標:一、美國債息;二、美滙。如兩者持續反彈,帶動環球銀行股見底回升,股市「送新迎舊」的中線趨勢將會確立,揸科技股難免要捱一輪。

另一方面,恒指今日收市後公佈換馬,市場焦點自然是三隻W股會否「染藍」,由於此事已發酵多月,如不幸落選,短線沽壓則非同少可。牌面去睇,今次有兩種操作策略:一、入圍後高開即沽,甚至小注造淡;二、企埋一邊食花生。去到呢一刻,再買W股值博率已變得頗低,不建議做。

如真係要落一注去賭,博「黑馬」如安踏(2020)、藥明生物(2269)爆冷,賠率應會更佳。兩者有不俗基本因素支持,落選都唔怕守,盈警、盈喜都出晒,業績前唔會有大surprise;萬一中獎,以現水位計應該幾和味。

筆者為證監會持牌人,未持有上述股份財務權益

魏力

fb.com/2012jason

關心你飯碗,貼近你生活,即Like「蘋果ATM」FB專頁!
BannerBanner