【職場慧眼】家醜不出外傳(張慧敏)

更新時間 (HKT): 2020.08.18 14:15
下屬當你透明公然同你對着幹,你的選擇是忍無可忍重新再忍?你究竟作了一個怎麼樣的示範?

「Son姐,我是個中層管理,我有個員工工作態度非常hea,返工玩手機多過做嘢。最慘交出嚟啲功課係完全唔見得人,錯漏百出。已經試過軟硬兼施但功效不大。曾經同HR傾過這問題,不過HR阿頭不想炒人家醜外傳,希望我諗辦法令這個人知難而退。有乜嘢建議可以點樣說服HR?我都唔想搞事,亦都唔想得罪阿頭。而且現時環境十分艱難,炒咗可能保留唔到headcount請replacement。希望Son姐可以指點一下!」

類似情況其實不斷在職場中發生,我有一條問了很多年都未能找到答案的問題,就是為甚麼公司老闆上司會不斷縱容hea做不事生產的下屬員工,來懲罰能幹認真勤奮的?

答問題之前,我想先反問,如果發覺雪櫃入面有一個爛橙,或者有一盒變壞了的餸菜,你會點做?但決定丟棄的話,以後就可能冇橙冇餸食,在這個大前提下,會不會任由爛橙餸菜變臭留在雪櫃內?還是不管爛也好臭也好,有得食好過冇得食,食物中毒都冇有怕堅持繼續食?

人事部阿頭想你用方法逼佢知難而退,但你下屬「明張目膽」不放你在眼內,軟硬兼施都動不了他分毫,擺到明是要你知難而退喎!我相信你的人事部阿頭年紀應該唔細,你的公司規模應該更加唔細,明明大條道理冠冕堂皇除瘀血,不合作表現不理想的員工,要炒還須擇日子?竟然投鼠忌器怕家醜外傳,究竟是幾多世紀之前的故事思維?呢種阿頭,點止old seafood阻住地球轉咁簡單?造就了一班擺明hea做的廢人只要識呼吸,不事生產依然可以繼續生存。結果,有心做事的人被逼走,無心工作的人繼續hea,會做得出好成績來嗎?

你這個下屬當你透明公然同你對着幹,你的選擇是忍無可忍重新再忍?你究竟作了一個怎麼樣的示範?這個得失不起那個得罪不起,你只有對自己不起!

張慧敏

-----------------------------

【全球樓行】 Dream House零距離

屬於香港人的移民攻略

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新

iOS / Android

關心你飯碗,貼近你生活,即Like「蘋果ATM」FB專頁!
BannerBanner