【異動空間】染藍後走勢拆局 - 魏力

更新時間 (HKT): 2020.09.04 02:00
■小米自宣佈染藍後股價急升,恒指今日收市後換馬,投機者自然好消息出貨,反而會令大市舉步為艱。資料圖片

恒指今日收市後換馬,有戰友問到,阿里(9988)、小米(1810)、藥明(2269)染藍,新經濟股比重大增,會否令下周恒指走勢改觀?魏力睇法剛好相反,三股自染藍消息公佈後大升,投機者自然好消息出貨,短期易跌難升之下,反而會令恒指舉步維艱。

手握呢三隻股咪好濕滯?想短線減壓,一係減半持股,一係就買些少舊經濟股,博科技股回調時,會用傳統股托市,例如本地地產股、中資金融股,以至最低殘的滙控(005)、中移動(941)。呢幾類股普遍仍在低位,恒指今年累計仍挫1成,遠遠跑輸歐美以至內地股市,現水平要再單邊大冧亦不容易,最大可能係科技回,傳統股彈,將恒指穩定在100天線之上,因此買恒指熊仔、反向ETF去博,現水平勝算亦不高。

美股方面,美滙、債息低位反彈,利好傳統股如銀行,不利金屬資源、科技股表現。值得留意,美股近日與VIX同步向上,情況罕見,反映有大戶開始為跌市作部署,買點VIX相關產品作對沖持貨,不失為穩健策略。

筆者為證監會持牌人,未持有上述股份財務權益

魏力

fb.com/2012jason

關心你飯碗,貼近你生活,即Like「蘋果ATM」FB專頁!
BannerBanner