【笑到最後】美股入市係時候(高明)

更新時間 (HKT): 2020.09.06 14:54
高明指,美股是散水定調整,好視乎你信貨幣會繼續濫發,定央行會回心轉意尊重貨幣購買力。圖為今年美股明星股Tesla創辦人Elon Musk。

上個禮拜,美股經歷一個幾大嘅調整,有朋友直頭打嚟問:好唔好清倉?最後,高明選擇咗瞓覺。

重申一次,喺香港買美股嘅最大優勢,就係交易時段,係你嘅睡眠時間。一個升浪嘅過程,事後睇返當然會問點解10年前冇all in買美股?但係如果有經歷過中間嘅轉折,就知其實一路持貨唔易,包括結婚要買鑽戒等理由都會令你落車。

高明曾經提出過,買股票要扑暈自己,現實應用喺港股上邊,自己都做唔到,因為每日工作需要睇住,有時刻意去食tea唔睇,偏偏pop-up嘅新聞同埋朋友致電或短訊,都會令你喺持貨嘅過程之中猶豫,最後喺唔等錢使嘅情況下無啦啦沽左啲股票佢,事後諗返都唔知驚乜,其實係氣氛使然。但係如果你買賣美股,簡單瞓覺已經無需理會跌幅。

當然,呢一招有兩個條件之下唔適用:一、你係全職幫其他人買;二、你喺有槓桿之下買。如果你唔係上述兩者,我會勸你安心瞓覺。

疫情過後美股上升有兩個原因:一、貨幣供應大增,失去大部份儲存財富嘅功能,啲人寧願信Elon Musk吹水嘅價值,都唔信「In god we trust」嘅美元。但係印鈔唔係無條件會令資產價格上升,有一啲資產,例如恒指,過去10年印鈔唔升,今年3月頭再印都飛唔起,昏迷不醒,點樣用心肺復蘇都救唔醒,美股未來係咪升硬?唔一定,但至少上述兩次瘋狂印鈔,美股有反應。

二、疫情之前世界係向住遙距、科技嘅方向發展,疫後加速咗呢個發展。美股名義上狂升嘅瘋狂,實際上係我哋手上持有貨幣嘅坎坷。

美股呢一刻係散水定調整,好視乎你信貨幣會繼續濫發,定央行會回心轉意尊重貨幣購買力。

如果呢一刻你未買美股,高明建議你趁調整開始建倉,講到尾一股都係幾十至幾百美元,買部iPhone都唔得,落場學費成本較低。最後可能會有人質疑:依家買,遲啦!高明嘅回應係:你永遠早唔過創辦人、angel、VC買股,唔行動,就永遠冇參與。

高明

https://www.facebook.com/bigricetea

-----------------------------

【全球樓行】 Dream House零距離

屬於香港人的移民攻略

-----------------------------

上車必讀天書 「九成按」入市懶人包

點擊即睇《按揭必讀手冊》電子書

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

《本土情味》結集《飲食男女》雜誌經典欄目「老字號」文章,記錄香港40家飲食老店的動人故事,見證香港飲食史的甜酸苦辣。即日起,於各大便利店及書報攤有售,並於 《蘋果日報》你的優惠 網上獨家發售!

關心你飯碗,貼近你生活,即Like「蘋果ATM」FB專頁!
BannerBanner