職場慧眼|打工心法13條(上)(張慧敏)

更新時間 (HKT): 2020.09.15 22:40

適逢農曆七月,職場正宗「乜鬼」都有,上個禮拜邀請了職場老手、大學Career Coach Trainer的好拍檔Grace,在我的Facebook Live和大家一齊「捉鬼」。

我們兩個捉鬼敢死隊,見得鬼多,真正冇有怕。難得Grace有心,把當日討論內容的重點歸納出來。好嘢當然要和大家一齊分享,以下13點(分兩期刊出),只要肯聽肯想、肯跟肯做,職場行走即使不能所向披靡,都肯定撞少好多板,行少很多冤枉路。知己知彼,由知己開始:

  • 知自己的位置及功能

是非皆因多開口,煩惱皆因強出頭。搞清楚自己的角色,做好自己的份內事,是最重要的事。多管閒事,耽誤正事,肯定出事。

  • 知所進退:resign好過terminate

有得揀,總好過冇得揀。自己辭職,是選擇辭職;終止聘用,是被炒。面試大忌,是bad mouth舊僱主包括人和事。辭職有很多冠冕堂皇的理由,被炒點樣講都難免牽涉舊公司的人或事。有得揀,當然揀自己話事。

  • 看破不一定要說破

眼見未為實,耳聽未為真。同一件事,站在不同立場會有不一樣的看法和結論,尤其當中牽涉利益和政治的時候,有理冇理公有公說婆有婆說。職場死得最快的,是叻唔切的聰明人,楊修的死因,是最血淋淋的案例。少講少錯,唔講唔錯,面懵心精的,才是高手!

  • Old seafood可能有其風水功能,由佢放喺度

Old seafood盤古初開經已存在,存在的價值,只要老闆覺得有價值,即使所有人都看不見,都不會影響到海鮮們的繼續存在。所以有甚麼好看不開的?想深一層,沒有這班不思進取無所事事的海鮮存在,公司有需要請咁多人嗎?為大家提供了更多就業機會,應該感恩才是對不對?

  • 唔好乜都對號入座,話人講你

把口生在人哋度,別人管不住自己把口,難道我們還管不了自己對耳?即使真係講你又如何,時運高,就乜鬼都睇唔到聽唔到。時運低,就專注念經拜佛,日日南無阿彌陀佛,講咩話?Sorry我聽唔到囉!

-----------------------------

【全球樓行】 Dream House零距離

屬於香港人的移民攻略

-----------------------------

上車必讀天書 「九成按」入市懶人包

點擊即睇《按揭必讀手冊》電子書

----------------------------

支持蘋果深度報道,深入社區,踢爆權貴,即Like蘋果專題及調查組FB專頁

關心你飯碗,貼近你生活,即Like「蘋果ATM」FB專頁!
BannerBanner