【魚樂無窮】曲線派錢咪走雞 - 唐牛

更新時間 (HKT): 2020.10.06 02:00
■陳茂波前日在網誌提及政府將再度發行通脹掛鈎債券(iBond),包底回報提高至2厘,入場成本極低,卻是穩賺不賠。資料圖片

相隔多年後,政府再度發行通脹掛鈎債券(iBond),初步發行金額100億元,若反應熱烈,有機會加碼至150億元,與過往包底息率1厘不同,今次包底息率提高至2厘,吸引力倍增,其餘條款跟早前的相若,例如半年派息一次,每手一萬元。

由於iBond採取「派啤牌」方式分派,每人獲派1手後如仍未派罄,則會向申請兩手或以上的投資者派發,如此類推,直至分派完成,所以千祈唔好當佢做新股,諗住抽得越多分得越多,更切忌用孖展進場。最簡單直接方法,就係人海戰術抽3至4手,然後博首日沽出,賺番一千幾百食餐豪。

好多人都話,一千幾百猶如垃圾,唔抽好過抽。我會建議用另一個角度出發︰家陣香港處於通脹與通縮之間,政府實在冇需要推呢個product幫大家抗通脹,今次仲要將包底回報提高至2厘,相比起銀行接近零息,直頭係沙漠中嘅清泉。點解政府要咁做?除咗用嚟提升民望收買人心,我諗唔到其他原因。再講,根據過往經驗,銀行證券行多會推出免手續費、存倉費、認購費等優惠,所以入場成本極低,卻是穩賺不賠。呢個曲線派錢機會就在眼前,我就一定唔會錯過,你呢?

唐牛

http://fb.com/tongcow88

關心你飯碗,貼近你生活,即Like「蘋果ATM」FB專頁!
BannerBanner