笑到最後|保衞資產繼續買台積電(高明)

更新時間 (HKT): 2020.10.11 11:51
台積電台灣廠房。
(彭博)

8月30日,本欄推介台積電(TSM),推介時股價為79.25美元,上星期五收報88.79美元,上升12%,同期納指仲跌緊1.7%。

有乜嘢好得過持股股價上升?就係唔使點捱下價就上升。8月底炒蘋果同Tesla拆細,成個美股市場都炒到㷫烚烚,本欄推介時已經知道,喺嗰個水平推介,有機會遇到調整,所以同大家講,持有到2024年先至檢討。成個9月跌浪,高估值科技股跌到喊,甚至有人話「啲股票呃人,還返啲錢畀我」。同期,台積電基本上橫行,最低都只係77美元左右,冇跟過跌浪一齊下跌。因為台積電喺半導體板塊之中,估值相對最平,甚至乎仲低過中國巨大晶片企業中芯(981),台積電嘅技術係全行最高,變相係呢個跌浪之中防守力最強,捱都冇捱過。

蘋果、AMD呢啲企業搵台積電做代工,約爆產能就唔在講,上次講到,因為競爭對手三星有做消費產品,做代工有利益衝突,台積電純粹做代工較着數。最近有傳NVIDIA新顯示卡RTX 30系列,本身採用三星做代工,到2021年就會轉用台積電7納米製程。做綜合企業定係代工,本身各有各好,但現時股市比較獎勵業務集中嘅公司。

今年咁啱唔同產品都出新款,所以晶片先至咁搶手,例如蘋果將會出iPhone 12、NVIDIA同AMD各自有新產品推出、Xbox Series X同PlayStation 5又一齊出,加上在家工作,焗住要買部新機,所以先至令台積電做唔停手。

嚟緊幾年會唔會一樣咁好數?就要睇啲產品好唔好賣,初步睇NVIDIA嘅顯示卡同PS5賣到有炒價,估計iPhone 12推出,都會大賣,暫時台積電應該不愁定單。

但台積電真正成功嘅源頭唔係人哋啲機幾好賣,而係鄧小平嗰句:親美會發達。台灣親美,台積電直接成為接美國定單最受惠股。身處香港,喺一個普通人控制唔到嘅範圍,冇跟到鄧氏發達方程式,唔單止令我哋冇得簡單發達,資產價值隨時不保,惟有將控制到嘅資產盡量接軌,就係買台積電,繼續冇目標價,揸到2024年!

高明

https://www.facebook.com/bigricetea/

-----------------------------

股榮醒你八隻新經濟必買股

瑞通翁世權、雷神教輪證技巧

點擊參加【新經濟浪潮 股輪淘金術】網上FAN享會

-----------------------------

掌握理財智慧 感受生活品味

investMAN全新網頁 優雅登場

-----------------------------

【全球樓行】 Dream House零距離

屬於香港人的移民攻略

-----------------------------

上車必讀天書 「九成按」入市懶人包

點擊即睇《按揭必讀手冊》電子書

----------------------------

支持蘋果深度報道,深入社區,踢爆權貴,即Like蘋果專題及調查組FB專頁

關心你飯碗,貼近你生活,即Like「蘋果ATM」FB專頁!
BannerBanner