風水輪樓睇|票王大圍柏傲莊風水揀樓法 「越近車公廟嗰座無咁好!」

更新時間 (HKT): 2020.10.16 00:00

新世界(017)及港鐵(066)合作發展的大圍柏傲莊開賣,《風水輪樓睇》邀請術數家蔣匡文走入大圍實地睇風水。蔣指出,柏傲莊座向正向單位,即單位大門與客廳窗戶成正南及正北向,比起向東南及西北的單位的風水為佳,這些正向單位主要位於3座、5座及6座。樓盤在車公廟前斜對面,蔣認為:「柏傲莊越近車公廟嗰座冇咁好,有啲單位甚至望到車公廟,我哋講『廟前窮廟後富』。」由於樓盤反應熱烈,向隅客若被推銷同區名城就要注意,從風水而言,因為名城座落大圍車廠上蓋,配合得宜就旺財,不配合則視為「陰邪」,情況如九龍灣德福花園「好多跳樓自殺!」

蔣匡文指,柏傲莊與名城的單位座向完全不同,柏傲莊有正南、正北向單位,即大門及客廳窗向此方向,比較起向東南或向西北,正向單位較好,而這些正向單位分佈於3座、5座及6座。以屋苑出入口及氣口計算的排龍訣,柏傲莊亦排吉星,比名城為佳。不過他強調:「柏傲莊越近車公廟嗰座(2座)就唔好,甚至有啲單位望到車公廟,我哋講『廟前窮廟後富』。廟後面就好,廟前面就唔好,好似跑馬地,喺墳場前面就唔好,喺墳場後面嘅司徒拔道就好啦!」他續稱,現時新樓各座編排有時一字排開,有時如蛇形,不少人以為單位位於大單邊可享較寬闊景觀好好,其實風水上就不好,因為缺左青龍、右白虎,即左或右缺少一座大廈做依靠。

獅子山帶煞利勞動人民

地理上,沙田及大圍區被獅子山和尖山呈「U」形夾住,中間一條城門河穿過。換言之,這區不少單位都望到獅子山及尖山。蔣重申,望見尖山有利文昌及升職加薪,但切忌背靠並貼近尖山,好大煞氣。至於望見獅子山,他稱:「獅子山本身帶煞,發展得好就刻苦耐勞。從事體力勞動、心力勞動,例如電腦、工程、廚師,呢啲人對住獅子山咪唔怕囉,甚至可以是黑社會!如果換轉以前讀書人望住獅子山就窮途潦倒。」

大圍部份單位會望見寶福山紀念館及富山公眾殮房,他指出:「好多人經常誤解……如果佢唔喺背脊,以及有距離,例如有好多行車路隔住就唔使驚,行車路叫『界水』,路越大、界水越大就越唔驚。但如果只係一街之隔,就會受『陰邪』之氣影響,咁有好有唔好啦,陰多個草花頭就『蔭』,無端端發達、多咗錢,跑馬地賽馬會咪背住墳場囉,如果做偏門,咪啱呢啲……逢係賭都係偏財,玩股票都算。唔好咪有人叫『撞鬼』。」以名城3期高層單位為例,「呢個單位又高、單位又光猛,咪害唔到,相反低層、又見樹木、無咁多陽光曬入屋就唔好。」

九運靠獅隧牽動旺氣

他認為,八運期間(2004至2023年)沙田大圍食到旺氣,所以這區的住戶在這時期普遍搵到錢,但壞處是城門河設計如坑渠無遮無擋直出吐露港,「沙田人搵到錢但使出去。」轉入九運,有幾條行車隧道在沙田南面出入,例如獅隧由南往北直衝,而九運是旺南方有路,令旺氣帶到沙田。「沙田先天不足,但是時運啱啱相制,令呢度啲人仍然有財,不過唔可以大發……唔好嘅地方就被獅子山同尖山夾住,如果單位座向唔靚咪唔好囉,例如單位後面是尖山直衝而來,嗰啲咪煞氣囉,如果冇宗教信仰,遭遇會冇咁好。」

車廠處住宅下視「陰邪」

名城3個期數都座落於大圍車廠上蓋,直擊名城3期2座一個高層單位。蔣匡文指,車廠大部份時間處於陰暗,古人認為這些地方陰氣重,但有車出入就動了氣,有利上面住戶的財運。不過如果上面住宅方位不合適,就視成為「陰邪」,「咁就有啲麻煩,例如九龍灣德福花園(九龍灣車廠位於德福花園平台下)好多跳樓自殺,當然必須視乎單位座向。如果有得揀,我寧願揀喺車廠隔籬,咁就無事啦。(但揀啱位置咪有利財運囉?)係,但你會好飄泊。」

此外,名城分3期,第3期4幢及第1期的第3座及第5座大部份單位的座向是「兼向」或稱「兼線」,蔣解釋,圓周360度,風水按每15度再細分出一個座向,總共24個座向,簡單來說是座向沒有搭正於一個方位並偏向旁邊的方位,這種情況「戶主可以搵到錢,但搵到錢後莫名其妙好多原因使咗,剩唔到錢。仲有好得意現象,例如嗰排派花紅,總會有突如其來嘅事使晒。不過有時單位與周邊環境及時運配合得靚,兼線都可以發財,例如名城3期2座高層南翼單位窗外可望尖山,有利住戶文書及升遷。」

-----------------------------

掌握理財智慧 感受生活品味

investMAN全新網頁 優雅登場

-----------------------------

【全球樓行】 Dream House零距離

屬於香港人的移民攻略

-----------------------------

上車必讀天書 「九成按」入市懶人包

點擊即睇《按揭必讀手冊》電子書

----------------------------

支持蘋果深度報道,深入社區,踢爆權貴,即Like蘋果專題及調查組FB專頁

關心你飯碗,貼近你生活,即Like「蘋果ATM」FB專頁!
BannerBanner