【魚樂無窮】大選以外四件事 - 唐牛

更新時間 (HKT): 2020.10.27 02:00
■下個月13日係恒指季檢,美團今次能否補中,肯定成為熱門話題。 資料圖片

最近無論是做節目以至寫專欄,掛在口/筆邊的都是美國總統大選,事實上,除了這件四年一次的大事外,市場仍有很多值得關注的事件,影響力絕不下於「侵登」大戰。

最新鮮滾熱辣的,必數滙控(005)今日公佈第三季業績,從風水學角度出發,兩隻在總行坐鎮的獅子,終於出見天日,固然係好消息,但實際啲睇,股價沉寂多時,有資金借成績表炒番轉亦無可厚非,最新《泰晤士報》報道,英國正考慮允許銀行明年重啟派息計劃,料成反彈第二波動力。

美企亦進入第三季業績高峯期,科網股Q2業績全部靚爆鏡,帶動納指破頂再破頂,究竟今次能否再次交出靚靚成績,抑或差強人意成為調整借口?一定要睇實。

今日起舉行的五中全會,亦是市場焦點所在,事關今年炒國策股,都唔難搵食,且看今次十四五規劃,又有甚麼炒作點子。令人期待的結果,當然還有恒指季檢,下個月13日就係了,美團(3690)今次能否補中,肯定又成為熱門話題,值得留意的是,恒指公司曾暗示成份股上限不再是50隻,意味企業染藍空間大增,究竟誰是新貴,拭目以待。

唐牛

http://fb.com/tongcow88

關心你飯碗,貼近你生活,即Like「蘋果ATM」FB專頁!
BannerBanner