【智取大市】飄忽市況低撈好股 - 晉佳

更新時間 (HKT): 2020.10.30 02:00
■港股喺恒指下跌之下,個別股份炒到曉飛。 資料圖片

美股大跌猶如熊市開始,但港股喺恒指下跌之下,炒到曉飛,美團(3690)、比亞迪(1211)、光伏股,炒到short咗,你以為港股強、美股弱趨勢正式形成?大家要回顧早兩星期資金炒舊經濟、美股喪炒拜登概念嘅教訓,當一個趨勢變得明顯嘅時候,隨時成為終結。

美國大選當前,預咗資金喜好飄忽到暈,見弱勢即沽然後換馬買當時強勢股,絕非上策,資金留意優質弱勢股更佳,唔好唔記得周初美團跑輸晒畀騰訊(700)、阿里(9988),只係短短3日股價又炒到亢奮。

如果留意優質弱勢股,就再睇返之前推介過嘅JS環球生活(1691),上個月14.12元配股,股價跌到配股價附近潛伏一排,炒上到接近高位,連續3日急回十幾廿巴仙,要留意呢隻股走勢飄忽兼波幅大,趁回吐分段吸,好過破頂高追。

之前瑞銀發報告,畀JS目標價20.2元,主要因為對手iRobot第三季業績好,再之前亦講到中國9月份家電出口表現強勁,吸塵機同攪拌機增長達42%,表現比其他家電類別強勁。長遠嚟講,智能家居快將成為全球趨勢,JS開發能力強,足以pick up行業大趨勢,長短皆宜先有信心坐貨落去。

晉佳

fb.com/advanceguy1

關心你飯碗,貼近你生活,即Like「蘋果ATM」FB專頁!
BannerBanner