螞蟻煞停|證券界:猶如黑天鵝 阿里美股跌7% 陸金所亦遭拖累

更新時間 (HKT): 2020.11.03 23:12

螞蟻集團A股被煞停上市,H股上市計劃也暫緩,拖累同系阿里巴巴(BABA)股價,現跌逾7%,低見288.955美元。陸金所(LU)美股亦急挫近一成,現跌9.9%,報12.435美元。阿里勁敵拼多多(PDD)則大升6.73%,至97.79美元。

中國通海證券投資策略聯席總監阮子曦形容,「螞蟻被暫緩上市計劃」是黑天鵝,相信是「約談」出事,市場估計與馬雲、王岐山隔空罵戰有關。他續指,現時未有上市時間表,但不代表公司會完全煞停上市計劃,料阿里巴巴受事件拖累,股價短線將受壓,「跌一成唔出奇」,或是低吸機會,始終有雙11利好因素支持,而且內地無可能砌低支付寶,相信理順矛盾後可重啟上市計劃。至於其他新經濟股會否因而陪葬?阮子曦認為事件難免影響投資氣氛,惟今次是螞蟻金服的自身問題,對其他新經濟股影響較輕微,但仍視乎解凍資金流向。

銀河證券業務發展董事羅尚沛驚嘆,「大型IPO都可以搞成咁,真係經典」,稱內地多個監管機構約談馬雲及一眾螞蟻高層,相信大型基金會施壓都有畀壓力,如果(中央)想思想改造螞蟻,應該一早講嘛」,又指「被約談」屬於重大風險事項,面對監管隨時收緊的風險,大型基金或投資者可能會重估螞蟻的盈利,對其估值或有一定影響。

香港股票分析師協會副主席潘鐵珊直言,螞蟻臨上市才被叫停,「未見過咁抆水做,如果係就應該早啲嘛,至少都有個準備,始終1.3萬億元認購,搞咗大單嘢出嚟,而家都真喺唔知點反應。」現時H股上市計劃亦跟隨暫緩,他預料對阿里股價有短期影響,但只要招股書符合要求後,「過完呢一兩日可能冇咩事。」

-----------------------------

掌握理財智慧 感受生活品味

investMAN全新網頁 優雅登場

-----------------------------

部署退休 輕鬆達至財務自由

點擊即睇《退休理財天書》

-----------------------------

【全球樓行】 Dream House零距離

屬於香港人的移民攻略

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

關心你飯碗,貼近你生活,即Like「蘋果ATM」FB專頁!
BannerBanner