職場慧眼|可不可以不低頭(張慧敏)

更新時間 (HKT): 2020.11.17 12:21
攞起飯碗扒飯,個個都要低頭,值不值得為這一碗飯低頭,不要覺得那麼委屈,是選擇來的!

「本人係合約員工,早前上司表示滿意我嘅表現,口頭上已確認會再續約。不過,最近續約一事起暗湧,部門主管見到我枱面冇文件乾淨整齊,覺得我無嘢做,可能有意唔續我約!我自問係個非常自律嘅人,做嘢出名快靚正同整齊,今次第一次咁樣俾人質疑,真係覺得好侮辱!」

「於我而言,我只係想專心工作,唔想為咗『視覺效果』夾硬堆砌文件放喺枱頭。我心入面嘅想法係,唔續咪唔續囉,遇着呢啲咁膚淺嘅老闆,真係令人心淡。無奈我都要食飯,SON姐認為我應唔應該為現實而低頭呢?」

雖然吹毛求疵,甚至變態的老闆的確有,不過在我看來,你這件事並不是表面上所見咁簡單。當中牽涉的當然是辦公室政治,還有你的做人處事作風性格,都有關。

欲加之罪,何患無辭?今時今日,個個用電腦上網做嘢,有幾多文件紙張需要放在枱面?而且你雖然是個合約員工,約滿之後有機會再續約,證明你最少做了一個合約,起碼都有最少半年正常是一年,否則只是合約臨時散工。

如果枱面乾淨整齊是你一向的作風,而大老闆對此有意見的話,為甚麼一直未有出聲?你的上司又一直都不知道他的上司對你有意見?我相信你是一個非常勤奮自律的人,亦覺得自己做嘢快靚正引以為榮,但出來社會做事,低頭做事的時候,都要抬頭看一看周遭的人和事。要知道自己的處境位置,才有機會為自己作最好的籌謀和打算。

閒事莫理是對的,做得到看破不說破的更加是高手,但自以為是,活在自己的世界裏,用自己的角度去看事物,用自己把尺做量度準則,就肯定出事。

攞起飯碗扒飯,個個都要低頭,值不值得為這一碗飯低頭,不要覺得那麼委屈,是選擇來的!

張慧敏

-----------------------------

掌握理財智慧 感受生活品味

investMAN全新網頁 優雅登場

-----------------------------

部署退休 輕鬆達至財務自由

點擊即睇《退休理財天書》

-----------------------------

【全球樓行】 Dream House零距離

屬於香港人的移民攻略

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

關心你飯碗,貼近你生活,即Like「蘋果ATM」FB專頁!
BannerBanner