佬訊專欄|用zoom開會的藝術(佬訊)

更新時間 (HKT): 2020.11.30 16:50
在zoom meeting彰顯存在感的3個方法

第四波殺到埋嚟,香港九龍新界冇得避,開會又變番晒zoom meeting,還好經歷了new normal差不多一年,到現在也開始有些心得。

你知,我知,大部份會議都是在浪費生命。一班人坐埋一齊,對議題各自表述下,然後就散會離場。所以開會嚟講,最緊要嘅其實係三隻字:存在感。做老闆又好,下屬又好,存在感都一樣重要。

以往面對面開會,很多時只要間中做下小動作,插一兩句「嗯嗯」、「呀呀」,或者講吓笑話,總結/補充下其他人的論點,就已經夠殺。但因為zoom的關係,開會的紀律變得嚴謹:無嘢講時要mute咪,有嘢講時要言之有物。要在zoom meeting彰顯存在感,惟有靠以下三點。

第一,一定要開cam。而且不單止開cam,更加要開得靚。一般notebook的前置鏡頭都質素麻麻,所以在家開zoom meeting時,記得盡量選擇有自然光的位置。冇自然光的話,可以去肥仔開倉買支打燈,據聞效果也不錯。

穿搭方面,最好的做法是穿一件衫領無變形的剩色t-shirt,身旁放件裇衫,再放件西裝褸。入會時先不要開cam,觀察下其他人的着法再決定。想專業就overdress,想平易近人就跟。開cam後,間中點頭、微笑、大笑,做手勢,就是代表你attend to the meeting嘅第一步。

第二,把握機會插嘴。尤其年紀有咁上下的同事,很多時連開咪都唔識,結果講嘢時要不無聲就細聲,甚至插唔實咪而窒窒下。這個時候,你就要先聲奪人,立即unmute:「唔好意思呀Mary,你個邊好似唔係好清,可唔可以由xxxx個度講多次?」老闆同事覺得你專心,立即加分。

最後,是善用text chat。無得插嘴時,不妨試下係zoom chat打兩句:「This xxx is a very good point!!」、「Nice idea Patrick!」等等。很多時其他人都在聽講者的話,見到message也不會特別call out你解釋,所以基本上是零風險但又可以顯示存在感的絕技。

散會之後,有心的可以再send一兩個email follow up吓。唔講住了,剛剛邊開會邊寫文,現在也要send番一兩個email補補數。

佬訊

https://www.facebook.com/loshunhk/

-----------------------------

掌握理財智慧 感受生活品味

investMAN全新網頁 優雅登場

-----------------------------

部署退休 輕鬆達至財務自由

點擊即睇《退休理財天書》

-----------------------------

【全球樓行】 Dream House零距離

屬於香港人的移民攻略

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

關心你飯碗,貼近你生活,即Like「蘋果ATM」FB專頁!
BannerBanner