笑到最後|拜登上任對美股影響(高明)

更新時間 (HKT): 2020.12.13 15:56
(蘋果新聞網)

美國總統大選,12月14日選舉人將會投票,如無意外,美國傳媒編輯之選拜登將會當選。一旦落實並於明年一月宣誓就職,對美股有乜嘢影響呢?

過去股市表現會左右選舉,過去嘅總統通常用就業或者薪金升幅嚟認威,今屆美股每破一次頂,就出一次Tweet,應該係史上第一個美國總統會咁做,直接掛鈎美股同政績。有呢個先例,美股繼續政治市嘅機會好大。

今屆政府係成為美股啦啦隊,最直接支持行業,可能只係今年因為疫情而資助藥廠,以及超快準許緊急使用。

Tesla(TSLA)今年升超過六倍, Tesla業績顯示,公司接受如美版「保就業」薪金支持。電動車市場有如10年前嘅手機市場,受高低端夾擊,高端有蔚萊(NIO),低端最新開發,五菱宏光mini EV,售價2.8萬人民幣。Tesla行政總裁Elon Musk將會喺德州開新車廠慳稅,科技層面,都係要靠自己。

美股按企業軌跡而行,即使奧巴馬八年吹水,冇大貢獻,美股依然照升,去到當撈侵年代爆升。因為美國科技股已經打好世界霸權基礎,其實邊個做總統,分別都不大。

另外,今次美國總統選舉舞弊爭議,反映總統其實冇乜權力,甚至連要求點票對簽名都做唔到,最新針對社交媒體嘅一系列政策,都要國會有兩黨共識之後先做嘢,即使拜登當選,權力都未至於大到主宰美股行業興衰,真正權力喺國會度。

唯一重大分別,就係股災嘅應變措施。過去四年,美股已經進入兩年一次熊市,三個月一次調整嘅格局。未來四年至少有兩次大跌兩成左右嘅股災,Trump做總統,示範過一次,就係瘋狂激進量化寬鬆,造就史上最短熊市。反觀拜登,講明上任後會跟規矩,即係會用冗長嘅開會、程序來取代Trump式撕破臉皮救市。企業有自愈能力,霸權股最終都會翻身,但肯定冇咁次大手減息印鈔咁戲劇性。拜登做總統嘅分別,就係見底後冇反彈得咁快、升得多。

高明

https://www.facebook.com/bigricetea

-----------------------------

掌握理財智慧 感受生活品味

investMAN全新網頁 優雅登場

-----------------------------

部署退休 輕鬆達至財務自由

點擊即睇《退休理財天書》

-----------------------------

【全球樓行】 Dream House零距離

屬於香港人的移民攻略

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

關心你飯碗,貼近你生活,即Like「蘋果ATM」FB專頁!
BannerBanner