【魚樂無窮】冷門股博炒通告 - 唐牛

更新時間 (HKT): 2020.12.24 02:00
■冷門股集一控股近半年在0.7元橫行,大股東密密增持,昨日出份充滿炒味嘅通告,明顯係博炒。互聯網圖片

市場炒作主題不絕,半新股、太陽能股、風電股、汽車股砌到飛天。今日港股平安夜半日市,只要隔晚美股冇事冇幹,資金集中在兩個半鐘盡情互片,肯定十分熱鬧。

昨日即市在本報網站及自家fb專欄提及兩隻股票,在此跟進一下。前者推介雷蛇(1337),埋單有3.6%升幅,事緣星期二重啟回購,雖然只得200萬股,但在股價低迷之時出手,似有激活之意,短炒目標望住2.45至2.5元。

fb專頁則叫留意冷門股集一控股(1495),集團中午發通告,擬就可能收購目標公司51%股權訂立戰略合作框架協議,目標公司主要透過提供健康管理平台服務業務開始,賦予慢性疾病病人更好和更健康的生活,擁有或正在整合的醫療源包括國家衞生健康委員會、全國線上線下醫療服務基地。通告指慢性病患者為肺炎疫情最大受害者,集一擬透過收購發展健康家居業務,夠晒gimmick。

股價近半年在0.7元橫行,大股東密密在這個水位增持,出份炒味咁濃嘅通告,明顯係博炒,但唔知係咪炒鬼人踩人,抑或有心壓住的關係,尾市打返落0.72元收,幸好昨日均價亦只是0.74元,用近期低位0.65元作止蝕位入場,好易計數。

唐牛

http://fb.com/tongcow88

關心你飯碗,貼近你生活,即Like「蘋果ATM」FB專頁!
BannerBanner