【魚樂無窮】物管喪炒吼龍頭 - 唐牛

更新時間 (HKT): 2021.01.07 02:00
■半新股融創服務上市時正值物管低潮期,老散已走清,貨源盡落強者手中,走勢如入無人之境。 互聯網圖片

港股錄得六連捷,下站目標是去年2月反彈高位28000點,以現時牛氣沖天計,達標只係時間問題。

夜晚自家YouTube節目做了簡單調查,發現今年頭兩日戰友贏錢比例高達九成,不少觀眾都問呢隻嗰隻追唔追得;都係嗰句,所有股票都買得,但高追預咗要捱價,同埋走勢不似預期一定要走鬼,最好就係用注碼控制風險,如果接受唔到以上幾樣嘢,奉勸閣下停一停諗一諗。

中國住建部、發改委、銀保監會等十部門,印發關於加強和改進住宅物業管理工作的通知,鼓勵物管企業利用科技提高服務水平,又鼓勵相關企業向養老、託幼等領域伸延,變相多幾個門路搵錢。消息一出,沉寂多時的物管股應聲炒起;從政策角度出發,有強大內房做後盾嘅物管股必定最受惠。恒大物業(6666)上市後炒唔起放棄,碧桂園服務(6098)走勢則靚絕,我自己就向半新股融創服務(1516)埋手,以阿媽融創(1918)規模之大,一定唔會輸蝕。上市時正值物管低潮期,老散已走清,貨源盡落強者手中,走勢如入無人之境。高盛給予目標價25元,回試昨日平均價20.1元分段入場,博高處未算高。

唐牛

http://fb.com/tongcow88

關心你飯碗,貼近你生活,即Like「蘋果ATM」FB專頁!
BannerBanner