笑到最後|股市超級通脹 現實陰陽怪氣(高明)

更新時間 (HKT): 2021.01.10 12:13

上星期Bitcoin及Tesla(TSLA)近乎無阻力向上,如果將兩者影像化,情況就會有如舊蘇聯超級通脹,人民排隊買麵包一樣, Tesla上升可能仲有憧憬破壞創造, Bitcoin升幅就直接係濫發鈔票嘅結果。

以前濫發鈔票直接結果,就係超級通脹,人民一出糧就拎一大袋銀紙去超市排隊買生活所需產品。全靠上一代自由市場及全球化發展,先進國家大概解決咗一般消費品嘅供應問題,過去10年濫發鈔票並冇令到一般人生存出現威脅。

時間一耐,新問題又浮現,香港最先感受到超級通脹苦果,大部份人生存、三餐冇問題,超級通脹出現喺樓市,將買到樓同買唔到樓分成兩個階級,相信現金為王嘅人,除非本身生產力超強,否則一般出糧打工階級,實際購買力不斷貶值,居住質素不斷下跌,直至抽到公屋居屋為止。

美國資金走入股市,非投資者只要抱住「我唔知、我睇唔到」嘅心態,實際影響冇香港咁明顯。時至今日終於浮面,超低息政策養大幾隻怪獸,壟斷企業股價水漲船高,利率又夠低,即使做違背消費者嘅決定,超低息、未驚過,以往企業懼怕消費者唾棄嘅日子已經結束,倒轉頭你驚佢ban你accounts。

高明認為社交媒體股前景一般,因為相對其他科技股,科技門檻最低,稀少性不及其他科技股,增長肯定受限,但超低息股價都唔會點跌。

唔好以為今日科企Ban某人嘅Account,同你睇法一樣,之後人生就順風順水,實情係權喺佢度,你自己嘅account命運亦不由人,維持戶口代價係夾著尾巴做人。情況有如香港樓市,有買樓嘅人見樓價上升拍晒手掌,到換樓買大間就體會真正影響。未來不論係實際生活,以及宏觀大事,銀紙變薄嘅種種怪異現象會層出不窮。絕對權力絕對腐化,0.01%人掌握嘅財富及企業,權力大到一般人窒息,當佢哋企業營運失敗,又會以「大得不能倒」理由獲救,變相永續。

惟一令自己開心少少,可能只係靠買少少「超級通脹資產」,普世墜落,買中上升資產聊以慰藉。

高明

https://www.facebook.com/bigricetea

-----------------------------

掌握理財智慧 感受生活品味

investMAN全新網頁 優雅登場

-----------------------------

部署退休 輕鬆達至財務自由

點擊即睇《退休理財天書》

-----------------------------

【全球樓行】 Dream House零距離

屬於香港人的移民攻略

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

關心你飯碗,貼近你生活,即Like「蘋果ATM」FB專頁!
BannerBanner