【智取大市】中移絕地反彈的啟示 - 晉佳

更新時間 (HKT): 2021.01.13 02:00
■中移動炒到飛起,睇個款北水想食晒美資持股,亦足證北水依然惡到不得了,至少反映呢一刻港股未去到需要擔心嘅時候。 資料圖片

姑勿論中移動(941)會否繼續炒到飛起,但兩個交易日可以有百幾億北水淨買入一隻股票,買到接近已發行股本2%,睇個款想食晒美資持股,亦足證北水依然惡到不得了,至少反映呢一刻港股未去到需要擔心嘅時候。

恒指守住5天線再突破28000關口,上星期當炒板塊明顯調整,例如光伏股,而上星期處於整固嘅板塊就炒上,如PD-1生科股、家電股。踏入1月,資金流向比之前更強,輪動升市周轉會加速,即使揸實受歡迎板塊股份遇上調整,整固三幾日估計又再破頂。

隨住恒指破頂,雖然噚日成交不如之前兩日,但市旺日子預料保持2,000億以上日均成交,港交所(388)企穩5天線有權再升,之前提過券商股造好,暫時預計會繼續衝。至於耀才(1428)盈喜後未能裂口高開,於是股價急回,觀乎港交所整固近完成,跟港股升合理不過,耀才由高位整固已逾一成,同樣撈得過。

美滙弱勢固然有利股市,就連傳統貴金屬價格亦強勢,過去江銅(358)持續盈利能力相對其他貴金屬股份強,近期股價走勢似乎最強,較為可取,至於落後啲嘅鞍鋼(347)已經整固期間成交逐步縮,亦相信好快炒下一轉。

晉佳

fb.com/advanceguy1

關心你飯碗,貼近你生活,即Like「蘋果ATM」FB專頁!
BannerBanner