【魚樂無窮】收市前必做的事 - 唐牛

更新時間 (HKT): 2021.01.14 02:00
■大時代重臨,但也要時常警剔自己,升市不要太興奮,以免太心雄亂咁掃貨,然後一個調整搞到方寸大亂。 資料圖片

好耐冇見過港股炒風如此熾熱︰日日千幾二千億成交,焦點板塊你追我趕,不少戰友收市後均表示感到疲倦、虛脫,上氣唔接下氣。大時代重臨,贏錢固然開心,但時常警惕自己,升市不要太興奮,最怕太心雄亂咁掃貨,然後一個調整搞到方寸大亂,得不償失。點樣可以令自己保持冷靜?我習慣每日收市前scan一次持倉,同時假設翌日大跌市來到,你就會知道,邊啲股份可以留低,邊啲股份要out。

力勁(558)隔晚公佈賣地詳情,埋單預計可獲利十多億,但由於涉及時間以數年計,加上累積升幅已多,獲利盤蜂擁而至,有跟本欄操作的戰友,應該獲利甚豐,可以自行操作,我則選擇用零成本方式持貨,務求食盡大浪。另一隻曾推介的教育股中滙(382)配股集資,昨日低開後有買盤承接,兼力守配股價,現價較推介時仍有利潤,繼續坐定定。

去年9月曾推介的億和(838),日前公佈全年虧損收窄至1,500萬至2,200萬元,單計下半年最多賺5,100萬元,假盈警真盈喜也,亦印證了當日推介時的原因︰大股東密密掃貨有原因。幾個月前嘅事,無謂認叻,我也一早被悶走,但噚日在高位突然閃跌,即刻買番啲傍身,好彩埋單倒升收場,算是報番仇了。

唐牛

http://fb.com/tongcow88

關心你飯碗,貼近你生活,即Like「蘋果ATM」FB專頁!
BannerBanner