魚樂無窮|北水目標吼呢隻(唐牛)

更新時間 (HKT): 2021.01.20 19:17
揀中金首要貪佢名牌效應,除咗自身做大刁多、食大茶飯外,股東陣容亦是粒粒皆星

恒指三萬點近在咫尺,配合兩日3,000億元大成交,全城高呼北水大時代。與戰友打趣說,行開幾日唔睇個市,你會發現股價變得很陌生︰騰訊(700)轉眼間逼近700蚊,港交所(388)一個月唔夠,由3字頭變咗5字頭,還未計那些SaaS股、軟件股。

唔知係啱啱遇着剛剛,抑或係預設路線圖,大市一片歌舞昇平之際,馬雲消失兩個月後突然現身,出席網上教師頒獎禮,片段一出,阿里系全線落鑊,其中旗艦阿里巴巴(9988)最多爆升逾一成,一來追落後,二來挾淡倉,連二師兄都回歸,指數見3字頭冇難度。

fb中午post同大家講,入咗隻中金公司(3908),博資金轉戰券商股。揀中金首要貪佢名牌效應,除咗自身做大刁多、食大茶飯外,股東陣容亦是粒粒皆星,騰訊及阿里巴巴都係股東,背景之勁可想而知;另一個賣點係AH差價勁闊,A股昨日收報69.49元人民幣,H股收24.05港元,H股變相三折大平賣,為十大H股折讓股之一,博北水南下搶平貨,有數得計。集團中期盈利增長62.3%至30.5億元人民幣,相當於上一年度盈利七成,說穿了又是潛在盈喜股。大摩最新給予目標價25.12元,以現時的熾熱氣氛,相信只是中途站。

fb︰www.fb.com/tongcow88

YouTube︰https://www.youtube.com/channel/UCLwEpfQ6w1d-MUVlAS86QcQ

-----------------------------

掌握理財智慧 感受生活品味

investMAN全新網頁 優雅登場

-----------------------------

部署退休 輕鬆達至財務自由

點擊即睇《退休理財天書》

-----------------------------

【全球樓行】 Dream House零距離

屬於香港人的移民攻略

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

關心你飯碗,貼近你生活,即Like「蘋果ATM」FB專頁!
BannerBanner