【智取大市】候選北水股博破頂 - 晉佳

更新時間 (HKT): 2021.01.20 02:00
■榮昌自主開發能力強,目前市值唔夠600億,幾可肯定最遲3月納入港股通,屆時將獲北水狂掃。 互聯網圖片

恒指升近千點?3萬點?勸喻大家平常心啲面對,睇返周二嘅癲況其實同周一唔係差好遠。

潮流興股票沿住5天線升,其實放諸恒指情況睇怕相若。恒指升到高過5天線28762點成880點,假若恒指肯高位震盪一下,而非一口氣衝上就還好,仲可以換馬炒多浸。

跟恒指炒嘅港交所(388)、券商股似乎要唞氣,喺恒指午後急回之際,股價升幅冇收窄嘅,似乎係較佳選擇。噚日JS環球生活(1691)升到拋離5天線,大升市之下股價整固,然後14元附近整固一段時間嘅另一隻小家電股Vesync(2148)起動爆上,尾市一個鐘抽升超過一成真誇張。呢一刻怕高追接火棒嘅話,寧吼未起動股,榮昌(9995)整固完畢,周一先跌後拗腰倒升之後,周二雖然未跟隨大市向上,但喺114元左右低成交橫行,欠沽壓之下準備炒下一浸。

榮昌自主開發能力強,未來係信達(1801)、百濟(6160)嗰條梯隊,目前市值唔夠600億,只係信達一半。另一利好因素,係幾可肯定最遲3月納入港股通,睇返另一優質B仔股康方(9926)一納入港股通大半個月,北水即掃2.2%股本,假如榮昌獲納入港股通,幾可肯定北水照樣狂掃。博佢突破保歷加上軸拉升,先睇140元。

晉佳

fb.com/advanceguy1

關心你飯碗,貼近你生活,即Like「蘋果ATM」FB專頁!
BannerBanner