【冰說聰明】理想汽車概念股 - 青冰

更新時間 (HKT): 2021.01.21 02:00
■理想汽車去年7月上市,上市價係11.5美元,周二晚的收市價係35.44美元,升兩倍。首程在理想汽車上市前參與過融資,是旗下的私募基金領投,絕對唔止賺兩倍。互聯網圖片

大市進入狂牛階段,股價對利好消息會極速反映,而反應亦都放大,盈喜固然升,發盈警但蝕少咗,都好大機會升。現時做功課,只能睇得再深入啲,才找到市場未拎出嚟炒的因素,例如上周提及的億和(838),幾日間就累升三成,不過周二創全年高位後倒跌,短線似乎要唞吓喇。

上周說億和的炒作催化劑,係在業績內低調提及在北美洲市場有做Tesla生意,現時但凡有呢幾隻英文字,都會炒到飛天的,所以勤力刨多啲業績及年報,尋找蛛絲馬迹,在大牛市中必定有回報,而今次想講的股,亦係在業績內找到低調的亮點。

首程控股(697)前稱首長國際,係老牌紅籌,老一輩的投資者見到,都耍手擰頭話難炒,以前主業係做焦煤,但在幾年前決定轉型,發展停車場業務及私募基金,去年改名兼合股,表現算做有交代,由3月低位倍升,同時亦引入京東(9618)、厚樸及新創建(659)作股東,陣容鼎盛。戰友可能會話,喂!隻股高位回吐近三成,咁弱好難搞喎,但只要你細讀中期業績,又會發現兩個英文字,今次不是Tesla喇,係LI,這個是美股代號,即係早前炒到飛天的理想汽車。

原來首程在理想汽車上市前參與過融資,是旗下的私募基金領投的,理想汽車在去年7月上市,上市價係11.5美元,周二晚的收市價係35.44美元,升兩倍,咁你話嗰啲上市前入股的基金股東,絕對唔止賺兩倍啦,首程在業績都透露,在往後的基金退出期,會為公司帶來超額收益,青冰搵過料,首程的私募基金在三輪融資中,斥資約7億人仔,咁倍升呢條數就相當襟計喇。

理想汽車的半年禁售期,將於下周二屆滿,首程未必可即時沽貨嘅,但已經係不錯的炒作藉口啦。

青冰

fb.com/chingbing888

關心你飯碗,貼近你生活,即Like「蘋果ATM」FB專頁!
BannerBanner