創業起義|ESG表現差 TVB敗走理所當然(尹思哲)

更新時間 (HKT): 2021.01.23 18:49

一直有留意開,香港的初創融資走勢,過去2020年,有公開紀錄的初創融資,大約30幾宗,其中大部分是FinTech、BioTech和物流相關初創。

踏入2021年,其中一宗最新融資,正是以AI做資產管理嘅MioTech,要知道佢地亦係,當年李嘉誠Horizons Ventures第一間投資的本地初創。

MioTech擁有的ESG數據,覆蓋大中華區超過100萬間上市和私人公司,其中包括所有A股公司。所以要知道 MioTech 的本領,首先要知道,ESG及其有關數據係何方神聖。

近年不少國家大力推廣的ESG標準,是Environmental(環境)、Social(社會)和Governance(治理)的縮寫,它是一種關注企業於環境、社會、治理績效的投資理念和企業評價準則。

舉實例,即例如企業碳及溫室氣體排放量、性別及性別平衡政策、貪污受賄政策、員工之間不公平競爭等,都都落入ESG範疇。

換言之,ESG所關心範圍,主要是以旗下員工和企業以外,ESG的嘅投資,並非產品或業務直接有關,而是用於地球、社會、市民以及員工嘅福祉。

所謂的ESG數據,係外國一早起步,例如湯森路透、MSCI等,都開發咗ESG相關評估框架,至於MioTech,則主攻大中華區公司,佢地以人工智能方式,監察同收集來自社交媒體、企業公開報告、政府監管信息、環保組織或NGO發佈嘅環保數據。

如果話傳統財務數據,反映緊企業過去的實際表現,ESG數據,可以理解為企業適應未來不確定性、長遠持續穩定增長嘅能力指標。

何以咁神奇?我認為主要原因,真係時代唔同咗,尤其當社交媒體盛行之後,真正了解民情並關心社會嘅企業,自然獲得更多政治資源。

回顧過去兩年,香港營商環境最大不確定性,自不然是Social Unrest和Covid-19,有唔少老牌上市公司,例如美心、TVB、港鐵,管理層唔了解民情,當社會出現危機,市民對企業有所期望,但管理層決策未能投民所好之餘,甚至是背道而馳,結果財務數據慘不忍睹,可謂求仁得仁。

以TVB為例,最近引入的新管理層,曾志偉表示要製作更多高質素節目,代表其思維依然停留產品層次,很明顯是捉錯用神。如果TVB不認清現實,了解民意並投民所好,相信是永無翻身之日。

尹思哲

http://linkedin.com/in/wanszezit

-----------------------------

掌握理財智慧 感受生活品味

investMAN全新網頁 優雅登場

-----------------------------

部署退休 輕鬆達至財務自由

點擊即睇《退休理財天書》

-----------------------------

【全球樓行】 Dream House零距離

屬於香港人的移民攻略

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

關心你飯碗,貼近你生活,即Like「蘋果ATM」FB專頁!
BannerBanner