笑到最後|跟新契媽炒政治市(高明)

更新時間 (HKT): 2021.01.31 14:16
佩洛西夫婦喺去年12月買入蘋果、Tesla同迪士尼期權,食正整個大浪。

落場炒股嘅人,大家都只係為錢。今次GameStop事件,我唔會特別buy WSB提倡打大鱷嘅理念,買入嘅投資者都係為賺錢。

同樣道理,沽空亦都係條例容許嘅事情,今次觸發點係沽空比例超過100%,被挾淡倉,後果要自己承擔。

造好造淡,大家都出於一個貪字。成件事只有兩個重點:一,贏定輸;二,合約精神。贏定輸係自己嘅事,同我冇關係。只有合約精神,係所有投資者嘅common ground共同基礎,但券商反應,睇嚟呢個價值已有所動搖,又或者,大戶輸打贏要本質從來冇變。

至於因為挾空倉而出現沽壓,未來甚可能出現系統性風險甚至股災。2018年底嘅一次大跌,聲稱程式盤出錯,但係當年證券行並無因為程式盤導致股災,而禁絕所有程式盤。今次反而限制散戶買股,個別股份甚至諾基亞都受限,雙重標準下只容許大戶贏,唯一寄望係兩黨召開聽證會,將會有些微制衡。

至於事件對後市嘅影響,高明可以話畀大家知,格局從無變過,由去年11月起deep state浮面,擺明決定總統人選,到今次券商出賣散戶,手法一模一樣,以禁聲代替辯論,以禁買代替市場定價。Deep state依然掌握關鍵權力,即使偶然被散戶突襲,但簡單限制買賣已可消滅購買力,下次再被突襲亦可出茅招,清盤亦有聯儲局救,然後由主流傳媒洗白,社交媒體ban戶口,基本上必勝。

美股深層政治市崛起,跟舊契媽Catherine Wood炒股已經out咗,新契媽(美股)Nancy Pelonsi先正確,佩洛西夫婦喺去年12月買入蘋果、Tesla同迪士尼期權,食正整個大浪。雖然不排除決定係佢老公Paul Pelonsi落,但係因為眾議院議長身份要申報,所以我哋先得知天機。

所謂「若你不能打敗它,參與它」,更重要問題,我又冇選票,根本無資格打敗或參與。總之有錢齊齊搵,跟新契媽買貨,肯定冇錯!

高明

MeWe: https://bit.ly/2Y89PjV

-----------------------------

掌握理財智慧 感受生活品味

investMAN全新網頁 優雅登場

-----------------------------

部署退休 輕鬆達至財務自由

點擊即睇《退休理財天書》

-----------------------------

【全球樓行】 Dream House零距離

屬於香港人的移民攻略

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

關心你飯碗,貼近你生活,即Like「蘋果ATM」FB專頁!
BannerBanner