李華華Online|WeLab Bank抽角色贏獎金 出手遜富途?

更新時間 (HKT): 2021.02.01 18:25

Gamification係虛擬銀行流行嘅吸客手法,繼眾安(ZA Bank)推出小遊戲贏現金回贈之後,WeLab Bank(匯立銀行)今日推出新遊戲,新舊客戶都可以參與,只要儲齊18個角色,就有機會贏取1.8萬蚊大獎。

遊戲玩法簡單,每日登入可以抽一次角色,推廣首日(2月1日)可以額外抽多三次,睇片答問題同埋推介朋友玩遊戲都可以獲得未擁有嘅角色,華華試過今日已經抽到9隻角色,新客儲夠角色仲會多啲現金獎添。

今次角色亦配合佢哋「香港嘅虛擬銀行」定位,基本上就係18區嘅Signature,例如離島有「平安包女郎」。新行政總裁(CEO)李家達(Tat)上任後計仔多多,開戶人數應該唔錯啦。

不過,小遊戲未能喺銀行手機「In-app」進行,反而要用戶另外登記,華華覺得客戶體驗有提升空間嘅,照計新App由零開始應該有一定兼容度,睇嚟銀行要投放更多喺IT先得!

另一樣係,同樣搞全城儲角色遊戲,中資券商富途肯泵本,舊年遊戲儲齊5隻牛就可以瓜分188萬元,一度掀起「搵牛熱」,成功製造話題,現時市值已經飇升至千億,值得虛銀參考。

-----------------------------

掌握理財智慧 感受生活品味

investMAN全新網頁 優雅登場

-----------------------------

部署退休 輕鬆達至財務自由

點擊即睇《退休理財天書》

-----------------------------

【全球樓行】 Dream House零距離

屬於香港人的移民攻略

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

關心你飯碗,貼近你生活,即Like「蘋果ATM」FB專頁!
BannerBanner