冰說聰明|兩大利好 融創服務博破頂(青冰)

更新時間 (HKT): 2021.02.03 17:12

踏入2021年,港股深深感受到北水的蠻力,去年全年有6721億元淨買入,今年一月已經有3106億,係去年的46%,2月的首2個交易日,已經有337億,速度似有加快,不過亦可能是北水下周二開始休息,呢幾日提早辦年貨。2月26日恒指季檢,亦是綜合指數半年一次的大檢討,換言之又係揀定北水新貴入貨之時。

青冰用去年底的數字篩選過,今次大部分有潛質的新貴,都是來自去年下半年上市的新股,市值逾50億的多不勝數,只要平日成交不是太疏,入選的機會頗大,而其他舊股當中,較值得一提的是香港電視(1137),今次夠晒市值入圍,不過本土味咁重的股北水會否垂青,到時先知。在云云半新股中,除了泡泡瑪特(9992)及藍月亮(6993)外,其餘有潛質的新貴大致可分為兩類,物管股及生化B仔股,兩者之中以物管股較值博,亦較易睇得明。

近期刨披露易,有兩類通告最多,盈喜盈警及配股,而這一堆半新物管股,就食盡兩邊之優勢,作為半新股,上市未夠半年,根本就未過禁售期,不能配股,利淡消息可剔除,而近期的盈喜股中,物管股係常客,可謂是行業大趨勢,而當中融創服務(1516)最值得留意,昨天剛發盈喜,全年增長至少1.2倍,前年賺2.7億人仔,去年上半年係2.5億,即係下半年有3.4億,增長再提速。

成為北水標的後,最擔心就係北水原來唔太愛你,咁呢方面融創服務應該有優勢,睇返阿媽融創(1918)的情況,北水現時持有7.7億股,佔16.6%股本,是北水愛股,所以當融創服務入選港股通後,這份愛傳承至阿仔,係順理成章之事,有盈喜及港股通兩大利好加持,破頂應是指日可待。

-----------------------------

掌握理財智慧 感受生活品味

investMAN全新網頁 優雅登場

-----------------------------

部署退休 輕鬆達至財務自由

點擊即睇《退休理財天書》

-----------------------------

【全球樓行】 Dream House零距離

屬於香港人的移民攻略

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

關心你飯碗,貼近你生活,即Like「蘋果ATM」FB專頁!
BannerBanner