點止冧巴咁簡單|平安好醫生穩中有升無懼延後扭虧(古天后)

更新時間 (HKT): 2021.02.03 18:43
平安好醫生

平安好醫生(1833)剛公佈截至去年12月底止全年業績,虧損擴大至9.48億元人民幣,上年同期則蝕7.34億元,公司蝕多咗錢,但業績公布後,股價不跌反升,主要係集團營運表現令市場滿意,睇好公司前景。

集團期內營業額68.66億元,按年升35.5%,當中在線醫療收入按年升82.4%至15.65億元,佔集團整體收入的比重達到22.8%,而消費型醫療、健康商城及健康管理和互動的收入則分別升24.3%、28%及5.7%。期內整體毛利率擴闊4.1個百分點至27.2%,當中在線醫療毛利率升12個百分點至56.2%,消費型醫療毛利率亦擴闊5.5個百分點至41.5%。期內日均諮詢量則升23.9%至90.3萬次,註冊用戶數升5,760萬戶至3.73億戶,月活躍用戶升8.5%至7,260萬戶,月付費用戶398.2萬戶,按年升34.1%,付費用戶轉化率按年擴闊0.9個百分點至4.9%。去年集團旗下商城GMV按年升23.1%至54.76億元。

平安好醫生嘅營運數據確令人鼓舞,管理層表示,集團今年今年將繼續跟平安保險產品結合,提供全面醫療健康服務,包括會加大跟平安健康險合作,共同研發產品,針對平安好醫生用戶提供獨有嘅保險產品,切合用戶日常醫療需要等。

雖然有其他互聯網龍頭亦加入線上醫療行業競爭,但好醫生有獨特優勢及戰略,除咗擁自家醫生團隊外,亦可測試不同場景,另一方面公司累積咗數據及演算法,可助醫生團隊提升效率,加上目前AI技術係「人機結合」,非短時間內可被替代。公司亦可藉平安集團優勢,為企業客戶提供醫療、保險及健康管理服務,相關因素均係公司獨有資源。

平安好醫生推行嘅戰略升級計劃,包括強化其醫生團隊,將內部醫生數目由現時2,000人,喺今年增至3,000人;擴展集團網絡醫院,目標喺今年自建100間醫院,及於明年通過合作增加200至300間;及擴闊跟加深其客戶基礎。相關升級措施需要初期投資,料會令集團嘅收支平衡時間線推延,由最快2022年延至最遲2024年,不過互聯網醫療行業進入快速增長階段,公司盈利能力良好,而經營虧損也持續收窄,在保持毛利率穩中有升情況下,費用層面持續改善,經營效率持續提升。

另一方面,公司喺海外發展理想,以日本為例,公司與軟銀有合營,喺當地推出問診服務後亦獲用戶好評,疫情期間喺日本嘅合資公司跟日本政府推出在線預約核酸檢測服務,目前與多個日本省市正在洽談相關合作;另外,公司在喺東南亞亦有合資公司,於當地拓展亦理想。其實平安好醫生之前股價跌至80元水平,已大致反映收支平衡點延後嘅負面因素,而業績公佈後,股價表現強勁,如能升至120元水平企穩,可望重返之前高位甚至再創新高。

古天后

-----------------------------

掌握理財智慧 感受生活品味

investMAN全新網頁 優雅登場

-----------------------------

部署退休 輕鬆達至財務自由

點擊即睇《退休理財天書》

-----------------------------

【全球樓行】 Dream House零距離

屬於香港人的移民攻略

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

關心你飯碗,貼近你生活,即Like「蘋果ATM」FB專頁!
BannerBanner