【中環在線】渣打換logo 添加「小水滴」

更新時間 (HKT): 2021.02.04 02:00
■各位讀者鍾意渣打嘅新logo(左),還是舊logo(右)呢?

渣打集團近日重塑品牌,集團網站率先改版,渣打香港臉書專頁嘅頭像亦換上新商標。渣打logo元祖版係SC兩字扭成繩結狀,新版將部份字體結構變水滴狀,用色上亦較明亮,突出藍綠兩隻顏色。

有設計師讚渣打新品牌夠細緻,最明顯係網頁內既「i」字上面嗰點都換成小水滴,呼應主題。不過亦有人始終鍾情「元祖版」,嫌新版令重叠的S、C更難辨認。

講到市面上有意思嘅logo設計,有設計師強調logo嘅意義和影響力,會隨時間、公司形象和所作所為而改變,並意有所指「滙豐銀行logo設計原先都好好㗎!」。

人人審美觀都唔同,不過IT問題依然係唔少用戶嘅主要關注,至今間唔中都仲聽到渣打出現系統故障、股票交易系統死機,華華認為,渣打改完品牌後,都係時候調撥資源搞搞個IT系統,咁先叫對得住顧客喇!

李華華

LiWaWa@AppleDaily.com

關心你飯碗,貼近你生活,即Like「蘋果ATM」FB專頁!
BannerBanner