魚樂無窮|資金圍炒大茶飯(唐牛)

更新時間 (HKT): 2021.02.08 19:56

北水長假前最後一天南下,大市成交明顯減弱,全日不足2,000億元。究竟北水暫停期間,港股係失去承托力向下走,還是外資接力托高再派貨?下星期四北水回歸自有分曉,但之前講過,早輪洗牌後貨源已落入強者手中,所以後市就算唔炒上,也難以回試28,200點水平。

大價股相對偏靜,但細價/概念股炒到飛起,望一望十大升幅榜,冇五成升幅都入唔到榜,你就知道鑊氣有幾勁。最重要係有成交配合,閒閒地都幾千萬甚至過億成交,絕對唔係乾炒牛河咁簡單。呢啲市況炒鬼最開心,成交唔使太旺,大價股唔使大升,指數一兩百點上落,然後資金喪炒爆升股,扑中一隻半隻,分分鐘係大茶飯。

fb專頁今午推介百奧家庭互動(2100),正正係資金圍炒對象之一。以收市價計,股價已連續兩日新高,炒作催化劑乃騰訊(700)日前宣佈成為主要股東,持貨達12%。集團主要從事開發及運營兒童在線虛擬世界及若干離線業務,中期盈利增長6.4倍至1.5億元,金額計已相當於上一年度全年,再發盈喜只是時間問題,當飛魚科技(1022)單日可以升1.3倍,百奧昨日升幅不足兩成,已經十分內斂,短炒用今日均價2.79元計數入場,十幾格博高處未算高,有得諗。

唐牛

fb︰www.fb.com/tongcow88

YouTube︰https://www.youtube.com/channel/UCLwEpfQ6w1d-MUVlAS86QcQ

-----------------------------

掌握理財智慧 感受生活品味

investMAN全新網頁 優雅登場

-----------------------------

點擊即睇《Bitcoin投資入門手冊》

一書盡覽新手必讀資訊

-----------------------------

【全球樓行】 Dream House零距離

屬於香港人的移民攻略

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

關心你飯碗,貼近你生活,即Like「蘋果ATM」FB專頁!
BannerBanner