佬訊專欄|三個我最期待的Clubhouse房(佬訊)

更新時間 (HKT): 2021.02.08 15:00
Clubhouse這種Audio only的玩法,在香港玩得最好的,應該是紅van與的士佬的那些即時語音通訊台。

可能太耐冇一班人傾計,又可能係飢餓行銷法力無邊,所以Clubhouse突然殺出重圍,個個周圍求invitation code,聽聞一個invitation已經炒到上幾百蚊。

佬編好彩叫做掹車邊拎到個code,總算無白費這些年儲下來的社會資本。但連續幾晚收聽,come on man,啲香港房真係好鬼無聊囉。

先不說那些長期出現的感情叫春房、小圈子圍威喂房,所謂的「無聲房互follow」是甚麼玩法?或者大家只是寂寞太久,想要靠螢幕上的followers數字取暖。

入返正題,Clubhouse這種Audio only的玩法,在香港玩得最好的,應該是紅van與的士佬的那些即時語音通訊台。佬編見識少,還記得有次搭過海紅van坐最前,才知道司機之間早已有一套媲美F1賽車的radio系統。

紅隧口邊個位塞、隧道出口邊條線最快、邊個counter收錢慢等等,統統都在司機大佬的計算之中,完美體現他們以分秒作為單位的車手人生。

但competitive不足以全面形容這班司機,team spirit才是他們賴以成功的主因。只見一句「喂阿狗等埋我」,紅van二號就會幫手係隧道口卡位俾佢攝。如果可以的話,我真心希望他們可以開間房,俾佬編這等weekend driver學下嘢。

另一個現在Clubhouse的弊病,是太和平了。難得這個平台暫時還未有大台,希望可以各位都可以更踴躍開房,儘管set一些比較敏感的topic,例如「反領polo都係人渣,Change my mind」、「Barbour shop style係變種MK仔」、「太大隻唔好睇」,等等。

每間罵戰房,除了moderator之外,其他人一律平等,理得你現實是甚麼主持、作家,入得嚟就開片,越亂越好。大家以真面目視人,比起聽幾個KOLs無聊吹水一定有趣得多。到時你可能會聽到佬編周圍開戰,但你不會知道我是誰。

至於第三種房,佬編今朝有幸聽到,但好像有點敏感,所以不在這裡講太多,只可以講是一間廣東話房,有緣人自然知道我講甚麼。聽到一半,手痕click出去睇下其他房,竟意外地見到一間叫做「有人因为clubhouse喝茶了么?」的房。

Well,希望有生命力的Clubhouse仲可以keep多一兩個星期。

佬訊

https://www.facebook.com/loshunhk/

-----------------------------

掌握理財智慧 感受生活品味

investMAN全新網頁 優雅登場

-----------------------------

點擊即睇《Bitcoin投資入門手冊》

一書盡覽新手必讀資訊

-----------------------------

【全球樓行】 Dream House零距離

屬於香港人的移民攻略

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

關心你飯碗,貼近你生活,即Like「蘋果ATM」FB專頁!
BannerBanner