【魚樂無窮】資金圍炒大茶飯 - 唐牛

更新時間 (HKT): 2021.02.09 02:00
■百奧家庭互動股價連續兩日新高,炒作催化劑乃騰訊日前宣佈成為主要股東,持貨達12%。 互聯網圖片

北水長假前最後一天南下,大市成交明顯減弱,港股係失去承托力向下走,還是外資接力托高再派貨?下星期四北水回歸自有分曉,之前講過,早輪洗牌後貨源已落入強者手中,所以後市就算唔炒上,也難以回試28200點水平。

大價股相對偏靜,但細價/概念股炒到飛起,望一望十大升幅榜,冇五成升幅都入唔到榜,你就知道鑊氣有幾勁。最重要係有成交配合,閒閒地都幾千萬甚至過億成交,絕對唔係乾炒牛河咁簡單。呢啲市況炒鬼最開心,成交唔使太旺,大價股唔使大升,指數一兩百點上落,然後資金喪炒爆升股,扑中一隻半隻,分分鐘係大茶飯。

fb專頁昨午推介百奧家庭互動(2100),正正係資金圍炒對象之一。以收市價計,股價已連續兩日新高,炒作催化劑乃騰訊(700)日前宣佈成為主要股東,持貨達12%。集團主要從事開發及運營兒童在線虛擬世界及若干離線業務,中期盈利增長6.4倍至1.5億元,金額計已相當於上一年度全年,再發盈喜只是時間問題,當飛魚科技(1022)單日可以升1.3倍,百奧昨日升幅不足兩成,已經十分內斂,短炒用今日均價2.79元計數入場,十幾格博高處未算高,有得諗。

唐牛

http://fb.com/tongcow88

關心你飯碗,貼近你生活,即Like「蘋果ATM」FB專頁!
BannerBanner