收市閒情|謎一般之「Bitcoin現金交易員」(千頌C)

更新時間 (HKT): 2021.02.23 20:20
(蘋果新聞網)

早兩個月,身邊少炒股票嘅朋友,都只係問「我想問點買美股?」「點樣開戶?」

再過多個月,朋友們就開始問,「Bitcoin升好多,你點樣買?」「係咪真係會升落去?」到近來,朋友們已進化到炒穩定幣,做埋定期,再講到去De-fi……

事實證明,當資訊越發達,散戶力量更加易凝聚,資金跟紅頂白;而呢班散戶中,你問佢地咩係區塊鏈?邊個係中本聰?我諗冇幾多個新手買家真係知。以至呢兩日Bitcoin血崩式暴跌,好多人會變得手足無措,「吓?又話Bitcoin會不停升嘅。」

投資加密幣來講,我都係新手,短期調整到咩價位答,只可以話同股票一樣,要識止蝕。反而最近我解開咗個謎底,可以同大家開心share吓。

話說Bitcoin之前炒到癲,之後就開始出現幾單現金交收虛擬貨幣劫案,係有趣嘅!用最實傳統老土嘅方法,兜口兜面去大額交收一樣suppose最講求匿名、虛擬嘅資產,真人世紀矛盾大對決!機緣巧合下,終於畀我識到個行內人,呢個人工作,正正係負責現金交收,我叫佢做Bitcoin現金交易員。

好啦,點解要現金交收先?「多數都係啲場外交易先會做咁大額交收嘅,咁好多時銀行唔認虛擬貨幣,你咁大額入帳,個戶口好易出事。同埋,你明啦,有啲錢就……即係咁啲交易平台就唔會問個客,『你啲錢點嚟?』咁你明啦,所以現金交收真係無得避。」

咁啲劫案係咩事呢?「俾人打劫嘅,一定係熟人做啦!唔係好人好姐,一個毒L喺街行過,你點知佢身上有咁多錢呀?我最勁試過拎4000幾萬cash喺街行,咪又係一個背囊就咁行,冇嘢㗎。」

拎咁多錢喺身,應該要好有演技?「演咩技,最緊要當冇事,你越驚就越易出事!咁當然,係博嘅,所以依家都係做啲熟客,生客免問。」

拎住咁多又拍俾人老笠,你話冇壓力就冇可能嘅。咁老老實實,承受呢種壓力,換返嚟有幾大回報呢?「當幾百萬,我咪收幾千。」

-----------------------------

掌握理財智慧 感受生活品味

investMAN全新網頁 優雅登場

-----------------------------

點擊即睇《Bitcoin投資入門手冊》

一書盡覽新手必讀資訊

-----------------------------

【全球樓行】 Dream House零距離

屬於香港人的移民攻略

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

關心你飯碗,貼近你生活,即Like「蘋果ATM」FB專頁!
BannerBanner