信里一城|陪本地隱形富豪睇億元洋房的「浸腳池」(小師兄)

更新時間 (HKT): 2021.02.24 16:16
「浸腳池」

貪靚的本地隱形富豪即使身家以百億元計,仍緊貼地產市場,睇中就買。最近他得知馬鞍山有間全新洋房招標,附近有他最愛的高爾夫球場及開揚海景,興致勃勃,洋房保守估計超過2億元,還邀請著名設計師操刀,就叫在下陪他去睇現樓。結果,在他眼中,真係得啖笑。

富豪睇的洋房樓高3層,實用面積約3,400方呎,前後花園共約1,500方呎,再有約450方呎天台,他從來直話直說:「指引價超過1億元計嘅屋,間工人房咁好笑嘅,張碌架床得上格,下格係個櫃,工人要日日爬上上格床先瞓到。泳池仲離譜,根本小朋友都游唔到水,可能叫浸腳池好啲。所謂嘅獨立屋,話就話包3個車位,其實只係地庫嘅共用停車場,冇乜私隱可言。」行到天台,他望住只是相隔不足一隻手距離的隔籬屋,疑惑地說:「呢幢係咪獨立屋?排屋係排屋,獨立係獨立,兩間屋嘅牆相隔咁近嘅,完全唔似獨立屋呀!」

在下睇到富豪彈到億元豪宅一文不值,就說曾經在九肚山看見某洋房池僅4米長,比起這個估計少於10米長的泳池更細,與其說它是「浸腳池」,不如索性轉做「錦鯉池」。然而富豪最後都意興闌珊,揮袖而去。樓盤有13間洋房,暫時只賣出1間咁多,原因或許是,這根本不是本地富豪的那杯茶。

小師兄

https://www.facebook.com/siuching28

-----------------------------

掌握理財智慧 感受生活品味

investMAN全新網頁 優雅登場

-----------------------------

點擊即睇《Bitcoin投資入門手冊》

一書盡覽新手必讀資訊

-----------------------------

【全球樓行】 Dream House零距離

屬於香港人的移民攻略

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

關心你飯碗,貼近你生活,即Like「蘋果ATM」FB專頁!
BannerBanner