預算案|消費券取替直接「派糖」 市民:「都係抄澳門做法」

更新時間 (HKT): 2021.02.24 19:39
市民李先生直言,消費券「都係抄澳門做法」,吸引力不大。

對於預算案政策對樓市著墨不多,市民李先生指,即使疫情下,本港樓價亦未見下跌,政府應採取更多紓困措施:「依家啲新樓都係兩、三萬蚊呎,我哋都買唔起。政府應該要畀多啲措施遏制樓價,唔係淨係做首置嗰啲;暫時對呢個政府冇咩期望,所以都唔會好失望。」至於當局今年以消費券取代直接「派糖」,李先生認為「都係抄澳門做法」,吸引力不大。

另一邊廂,市民黎小姐認為,樓市反應一向較慢熱,當局或需長時間觀察才施政:「唔可以睇到呢一刻就去施政,都要睇一段時間,知道依家個經濟點樣影響樓市先再去做啲政策。」

萊坊林浩文:政府應放寬SSD

萊坊執行董事林浩文指出,最新樓價指數跌幅比預期少,樓市調整仍然持續,惟每月上落幅度不大,相信今年首季一手市場銷售依然十分熾熱,而購買力或可持續至第二季。至於今年樓價的表現則取決於兩地「通關」時間,惟受經濟及失業率影響,今年住宅租金料將向下調整約5%或以上。

林浩文續指,現時樓價持續高企,當局未有減辣空間,但在現時經濟環境下,政府或應放寬額外印花稅(SSD)稅項 ,以增加二手供應量,並避免買家湧向新盤市場。

-----------------------------

掌握理財智慧 感受生活品味

investMAN全新網頁 優雅登場

-----------------------------

點擊即睇《Bitcoin投資入門手冊》

一書盡覽新手必讀資訊

-----------------------------

【全球樓行】 Dream House零距離

屬於香港人的移民攻略

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

關心你飯碗,貼近你生活,即Like「蘋果ATM」FB專頁!
BannerBanner