信里一城|1億元成交係咁傾返嚟(小師兄)

更新時間 (HKT): 2021.03.10 12:49
觀塘。示意圖,非文中商廈。

早年有位客人本來租用觀塘某寫字樓,最後斥資超過1億元買入區內全新商廈全層6個單位。單刁係咁傾的……

某日在街撞見認識多時的金融夫婦,閒聊講到他們想拓展業務,他們覺得當時租用觀塘一個寫字樓好唔抵,不如趁低息買個寫字樓單位自用,問我拎觀塘新盤、呎價等資料。轉頭畀料冇反應,就再搵多幾個盤相約見面傾。見面了,金融夫話:「公司盤數我老婆睇,計緊數睇吓買唔買得起。」金融妻接着說:「計得到條數都要睇吓老闆鍾唔鍾意,你都知啦而家咁多新起嘅寫字樓,使乜咁急買呀,可以慢慢揀。」我當時心裏說了一個字,因為她所謂的老闆是她老公。

關係不會因為一次商談沒結果而中斷,保持與金融夫吹水,講到名車,他非常興奮,並炫耀自己剛買入兩部名貴跑車。那刻,機會來了,我搵一家相熟發展商取了其觀塘全新商廈最低層單位連3個獨立車位的代理。

翌日再約他們食飯,金融妻坐低即問:「有乜好嘢先,係咪劈價?」 我答:「發展商嘅價錢真係冇可能會調整,不過我就幫你哋拎到最低層最靚嘅3個車位。」他們失望,已不想傾落去。我話:「東九龍的確好多新商廈,但呢幢最近地鐵站,遲一年買可能下一條街,遲兩年買就再落兩條街。今日買,我搶最低層最近升降機3個獨立車位畀你,遲一年,可能3樓4樓,你每日最少出入公司一次,你幻想吓3樓4樓,日日返公司轉十幾廿個圈,真係轉到頭暈,對於老闆係折磨。」

金融夫一聽有共鳴,叫我到他辦公室收票,購入半層物業連3個車位!票已出,翌日金融夫婦踩上我公司,金融夫話:「我買咗半層,你幫我問吓發展商有冇啲着數,例如送釐印,或者半價買多個車位。」我答:「老闆你哋都買咗大半層,爭3個單位就全層,到時同發展商傾用埋條走廊,條走廊成千呎,接近一個單位嘅面積,而且又唔會有閒雜人係你嗰層出出入入。」金融夫婦最後買埋同層3個單位,全層6伙過億元成交就咁傾返嚟。呢單刁絕大部份係運,但我覺得交易係睇客人要乜。

小師兄

https://www.facebook.com/siuching28

-----------------------------

掌握理財智慧 感受生活品味

investMAN全新網頁 優雅登場

-----------------------------

點擊即睇《Bitcoin投資入門手冊》

一書盡覽新手必讀資訊

-----------------------------

【全球樓行】 Dream House零距離

屬於香港人的移民攻略

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

關心你飯碗,貼近你生活,即Like「蘋果ATM」FB專頁!
BannerBanner