點止冧巴咁簡單|體品股持續健康復蘇吼呢兩隻(古天后)

更新時間 (HKT): 2021.03.17 18:01

雖然第一季疫情反覆,令或會影響短期運動服飾銷售,但古天后對潛在銷售復蘇仍抱正面態度,相信相關公司已通過更強嘅渠道戰略做好準備及積極控制庫存。隨著運動參與度提高、政府政策支持及體育用品公司喺產品、品牌及渠道嘅策略提升,相信長期結構性增長維持不變。至於代工生產方面,去年行業訂單流程獲改善,以及進行有效嘅訂單控制;而今年需求有所改善,毛利率擴張亦受到效率提升所帶動。不過美元表現疲弱,人民幣兌美元升值,會出現部分負面嘅匯兌影響。

眾多體品股中,申洲國際(2313)訂單前景表現強勁,市場普遍對其增長前景甚具信心,故願意付出估值溢價。申洲喺去年爆發疫情期間,仍錄得穩定增長,其OEM模式反應較快,有助公司捕捉品牌轉向直接向消費者銷售嘅機遇。雖然申洲去年下半年受歐美疫情、美元弱勢及平均銷售單價較低所影響,不過展望將來,估計今年將有強勁反彈,因為渠道庫存水平維持健康,預期2020年至2022年公司銷售增長可維持雙位數。申洲訂單及生產自去年末季起已完全正常化,料趨勢於今年持續。由於內地出行仍受限制,料今年新年生產空檔較短,或可能對其及市場預測帶來上行驚喜。申洲今年開始主要發展柬埔寨及越南下一階段擴產計劃,借助其垂直整合及地理多元化嘅生產基地,相信集團可推動未來盈利加速。

而去年12月股權架構曾成出變動,今年1月曾有主要股東配股嘅滔博(6110),亦係大行睇好嘅體品股。Nike及Adidas今年1至2月份喺中國銷售及息稅前利潤率高於預期,預料滔博2021年下半年度(去年10月至今年2月)純利按年升60%,而全年度計純利料升15%,較市場平均預測高9%。隨著Adidas五年戰略計劃的實施,Adidas將在今明兩年縮窄與Nike喺中國增長差距,對滔博有結構性正面影響。集團亦受惠全球體育服飾品牌喺中國嘅市佔率增長,強勁嘅經營效率亦令集團更具競爭優勢。滔博現價仍未反映集團數碼化及微信生態系統嘅潛在轉型價值,預期滔博營業收入及利潤率將改善,唔少大行均睇好其前景,建議買入。

-----------------------------

掌握理財智慧 感受生活品味

investMAN全新網頁 優雅登場

-----------------------------

點擊即睇《Bitcoin投資入門手冊》

一書盡覽新手必讀資訊

-----------------------------

【全球樓行】 Dream House零距離

屬於香港人的移民攻略

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

關心你飯碗,貼近你生活,即Like「蘋果ATM」FB專頁!
BannerBanner