信里一城|內地富二代想食免費餐(小師兄)

更新時間 (HKT): 2021.03.17 15:05

地產市場,你做了一單刁等於行家少了一單佣,同行爭食,賤招百出,諸如扮客偷盤,我明,但客人想過橋抽板,又會否太賤!原本往事不堪回首,但日前行商場見一間食肆,就令我想起這一位內地富二代。

5年前,一名客人cold call想尋求全幢酒店或者單一業權舊樓的放盤,於是我花幾日搵盤。之後出來睇樓是幾個廿幾歲年青人,開始他們一直扮聽不懂廣東話,我惟有以「能太能」普通話水平去介紹物業,「省姐能」了半小時,他們一直默不作聲,突然一個帶頭大哥以譚仔話說:「鵝骰聽廣東話!」後來起底,發現這位識聽廣東話的年輕人是內地人,父親是內地二線房地產發展商。

睇樓幾日後,他再叫我推介更多盤,推完又睇,睇完又推,又租又買,由幾千萬到10億,次次都問收幾多佣,來回5次,一口價都未還。後來我跟行家食飯,傾到原來這位客人都在找他搵盤,結果都是行到底褲濕晒都沒有結果,除了問收幾多佣,還問有無業主聯絡方法。當時我和這位行家得出結論是:「原來佢想唔畀佣!」最終我決定斬纜,放棄跟這宗大刁。

堂堂內地富二代想食免費午餐?過主。在香港做物業買賣有睇樓紙,我明白現在有些客人不簽睇樓紙,但好多業主都有良心,都知道經紀是要開飯的。如果經紀箍不實業主,客人又不簽睇樓紙,還有一個方法是獨家代理。至於這位內地富二代的在本港房地產大計如何?幾年了,都沒有聽到他有甚麼地產項目出爐。

小師兄

https://www.facebook.com/siuching28

-----------------------------

掌握理財智慧 感受生活品味

investMAN全新網頁 優雅登場

-----------------------------

點擊即睇《Bitcoin投資入門手冊》

一書盡覽新手必讀資訊

-----------------------------

【全球樓行】 Dream House零距離

屬於香港人的移民攻略

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

關心你飯碗,貼近你生活,即Like「蘋果ATM」FB專頁!
BannerBanner