BrandStory|酒店狂谷月租優惠求出路 旅遊網拓「酒店月租」資訊 日收過百查詢

更新時間 (HKT): 2021.03.25 00:00

疫情令旅遊業重創,為求出路業內人事紛腦筋急轉灣,諗計仔吸客。不少酒店疫情期間,推出月租優惠提高入住率,有旅遊網站於是把握機會,開拓月租酒店資訊業務,「搵月租酒店」網站創辦人Vincent表示,「開頭我哋預期每日得幾個查詢,但係出到嚟係每日超過100個。」

Vincent過去一直經營旅遊網站 Runhotel.hk,一直以報道本地酒店優惠,海外旅遊情報為主。去年初疫情殺到香港,他就靈機一動,「當時都多酒店想搵我哋推廣月租優惠,我就諗,係喎!其實如果要搵月租offer,邊度可以搵得到呢?不如就變成為個類似樓盤網站。」

於是他就參考地產中介網站,於旗下平台增設「搵月租酒店」版面。經營一年多,他表示反應比預期理想,每日收逾百查詢,個別熱門酒店,一日都收20至30個查詢。

「最主要係嗰個價錢帶動個需求,因為價錢真係平咗好多,8000幾蚊仲要包埋水費、電費、上網都包埋,仲要包每周執房,基本上呢啲價錢係租樓租唔到。」他表示目前網站已提供超過80間酒店月租盤,價格由近6000元至近6萬元不等,當中以1萬元以下月租盤最搶手。

以荃灣為例,目前網站提供悅來酒店月租盤,220呎客房約8700元,450呎約1.3萬元,住客亦可享用酒店設施,如健身室、泳池,相比附近住宅物業租盤,如悅來酒店對面的富麗花園,300多呎單位月租亦已達1.3萬元,酒店月租盤有市場亦不無有因。

月租市場的確為酒店業帶來出路,悦來酒店市務傳訊經理文嘉寶接受本報訪問時表示,目前月租客較疫情前翻一番,佔入住率達三至四成,當中八成為家庭客。就她觀察所得,月租客租住原因不外乎原住所裝修、短期有置業計劃或移民,衍生短期住宿需要。

提到月租酒店前注意事項,Vincent表示,月租酒店與一般租住物業不同,租賃期較具彈性,部份酒店更不收按金,「其實只要你租超過一個月以上,就叫月租,之後可以按需求再租,可以一個月零十日、或者41、42日…即係話唔一定要租兩個月、三個月咁。」同時,如有意月租酒店,可先到酒店預約參觀再作決定。他又提醒,月租酒店前須與酒店簽訂租約,因此「你承諾要租幾多日就幾多日,冇得提早完約。」

Produced by: Fruity Nutty Studio

-----------------------------

搵月租酒店

https://rent.runhotel.hk/

-----------------------------

掌握理財智慧 感受生活品味

investMAN全新網頁 優雅登場

-----------------------------

點擊即睇《Bitcoin投資入門手冊》

一書盡覽新手必讀資訊

-----------------------------

【全球樓行】 Dream House零距離

屬於香港人的移民攻略

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

關心你飯碗,貼近你生活,即Like「蘋果ATM」FB專頁!
BannerBanner