智取大市|上落市之初反彈最強(晉佳)

更新時間 (HKT): 2021.03.28 19:28

上一期講到,恒指按周線保歷加通道歷史走勢嚟睇,初步已回穩,進入上落市,如無意外港股周一會跟隨美股高開,從周四低位計睇怕已彈千點,特價時段已過一大半,皆因反彈一定以早段最為juicy。

目前日線保歷加上軸喺29,800點向下延伸,相信短線反彈難以收復呢個位,以周一高開位置睇,大約只有約1,000點或以下水位。要注意嘅係,上落市初期乜嘢都彈,其後會越嚟越難玩,科技股更可能一浪低於一浪。

資金流入物管、內房股,前者明顯係投資者避險心態下博業績對辦嘅板塊,後者就因為PE極低倍感安全。業績期尾聲,數埋有唔少2、3、4 、5倍PE嘅內房,換言之,持有內房只要等樓市維持目前狀況多2、3、4 、5年,就會回本,相對幾年後PE先落到幾十倍嘅SaaS股而言,突然覺得抵到爛。

中央嚴打近年偷雞賣樓嘅招數經營貸,各大城市亦推調控,內房股依然大漲小回,換轉之前已經隊到傻。鬼咩,中外矛盾燒到火紅火綠,更加要保住樓市唔好爆,而多地樓價喺咁強烈嘅調控之下仍然觸及price ceiling,令內房突然變穩陣。

中央設三條紅線防內房高負債,變相益咗一批負債率遠低過100%嘅內房股,可以喺缺乏競爭之下靚價買地或做併購,配合有高股息嘅,更加受追捧,就如合景(1813)、龍湖(960)。要注意嘅係,內房始終係周期股,短線大幅衝破保歷加上軸就食糊,等回吐保持大漲小回就再撈返,實行炒上落。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

掌握理財智慧 感受生活品味

investMAN全新網頁 優雅登場

-----------------------------

點擊即睇《Bitcoin投資入門手冊》

一書盡覽新手必讀資訊

-----------------------------

【全球樓行】 Dream House零距離

屬於香港人的移民攻略

關心你飯碗,貼近你生活,即Like「蘋果ATM」FB專頁!
BannerBanner