脫鈎備案|任志剛:當港元鈎唔住一種貨幣,咁咪鈎第二樣囉

更新時間 (HKT): 2021.04.04 14:46

行政會議成員、金管局前總裁任志剛,今早出席商台節目訪問時表示,相信中國會繼續推動人民幣國際化,而香港可在過程中,可主動將人民幣推向資本市場,舉例指可以容許投資者,選擇以人民幣在本港買賣股票,「特別係中國概念股,或者首先係恒指裡面股票先,咁人民幣國際化又會走多一步。」認為措施亦有助減少港幣的流出及流入,有利香港保持貨幣穩定。

被問到此會否令港元被削弱,他表示完全不擔心,「你係唔係好實事求事認為,一個750萬人嘅貨幣,能夠為14億人及外地金融交易,作為一個交易單位呢?而家當然冇問題,但你都要諗,如果你真係想將香港國際金融中心造強造大,你一定要畀人有一個貨幣嘅選擇。咁唔會削弱港元地位。」

任志剛又指,難以估計中美關係會如何發展,但相信美國極不可能推出不讓香港使用美元的「核子武器」。不過,他又指香港亦要為此情況作好準備,當港元鈎不住一種貨幣,「當你鈎唔住一樣嘅時候,唔俾你鈎,咁咪鈎第二樣囉」,但他強調並非建議港元與美元脫鈎,只是本港亦要有後備方案。他指出,聯繫匯率已實行38年,穩如磐石,而美元獨大地位難受挑戰,看不到美元作為全球最重要貨幣的地位,會在中短期內受特別影響。

他認為,一旦美國將金融武器化,會為國際,以至香港金融帶來危險。不過美國作為全球最大負債國,而中國作為美國的最大債權人,美國極不可能使出資金限制、外匯管制及債務違約等金融武器,否則美國會是「攞苦嚟辛,呢個會搞到好大,所以我覺得美國唔會去到咁盡。」

至於美國因應港區國安法等對香港實施的制裁,他相信不會達到影響香港國際金融中心地位的程度,認為現時的制裁,只是令到在制裁名單上的個人較慘,「咁呢班人係慘嘅,好似林鄭咁出糧都要用現鈔,都慘嘅。」相信美國不會將制裁對象擴大到機構或政府。

徐家健:佢講出嚟自high啫

美國克林信大學經濟系副教授徐家健接受本報訪問時表示,若然香港予投資者,選擇以人民幣買賣股票,「咁都係無可厚非嘅,又唔係一件好壞嘅事。」他表示,他支持市場開放多種結算或買賣貨幣。不過,一旦成事,當有如早前螞蟻金服此大隻股份,屆時對港元需求減低,但不會削弱港元地位「因為唔係唔俾用港元做,係多咗選擇,對整個金融市場都會方便咗。」

至於任志剛提到,一旦美國不讓香港使用美元的「核子武器」,港元可與其他貨幣掛鈎。徐家健笑指,「佢講出嚟自high啫。」他表示,美國不能禁止香港掛鈎美元,只能禁止使用美元結算,「如果真係去到咁就好嚴重,你就掛乜都死。」至於若然此「末日情況」發生,而港元與人民幣掛鈎,「人民幣都唔係國際流通貨幣,掛都唔掛人民幣啦,你咁掛不如取消港元,唔使掛啦。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

掌握理財智慧 感受生活品味

investMAN全新網頁 優雅登場

-----------------------------

點擊即睇《Bitcoin投資入門手冊》

一書盡覽新手必讀資訊

-----------------------------

【全球樓行】 Dream House零距離

屬於香港人的移民攻略

關心你飯碗,貼近你生活,即Like「蘋果ATM」FB專頁!
BannerBanner