【魚樂無窮】鎖定心水股操作 - 唐牛

更新時間 (HKT): 2021.04.08 02:00
■如果第四波疫情過去,醫美服務全線復常,必瘦站有排炒。 資料圖片

港股假期前升近600點,假後回吐不夠一半,29000大關有阻力,不過,正如晚上直播節目所講,上星期四的升市,不少股份由頭升到尾,大陽燭突破下降軌,氣氛遠較第一季末為佳,暫時睇法中性偏好。

熟悉本欄的戰友都知道,甚麼預測第一二三季走勢不是我杯茶,一來冇能力,二來估中跟操作係兩回事,估中但贏唔到錢,估嚟都冇意思。𠵱家茶餘飯後講股票的,主題已由Strong Hold變作哭股喪,氣氛急轉淡。從實戰角度出發,第一季係快步速操作,第二季會係悶聲發大財的日子。

目標股份已在fb post講咗,包括力勁科技(558)、李氏大藥廠(950)、必瘦站(1830)、現代牙科(3600)。力勁由1蚊講到𠵱家,零成本操作,見圖回試前浪頂短炒。李氏大藥廠績後立即啟動分拆眼科業務,博母憑子貴,阻力在6.5元。必瘦站上午加注,中午即出通告,有運;下半年銷售僅跌1.7%,因專科痛症醫療銷售增長貢獻帶動,疫情下難為可貴,如果第四波疫情過去,醫美服務全線復常,必瘦站有排炒。現代牙科已在上周三即市推介寫晒,自己google番,𠵱家等緊回購盤,畀啲耐性。

唐牛

http://fb.com/tongcow88

關心你飯碗,貼近你生活,即Like「蘋果ATM」FB專頁!
BannerBanner