笑到最後|未來big tech概念已曝光(高明)

更新時間 (HKT): 2021.04.11 13:18

加密貨幣交易所Coinbase今個星期三將會上市,上市前合約交易推斷上市市值達1,100億美元,未上市已經係大市值公司,幾樣特徵加埋可以肯定,下一代FAANG肯定會同加密貨幣有關。

同舊年冇盈利嘅IPO唔同, Coinbase已經賺緊錢,上市前公布第一季業績預告,收益已經達18億美元,盈利係有7.3億美元至8億美元。

比較「同業」, Coinbase係交易所,現時市值已經達1,100億美元,就係用美元計算嘅交易所,包括紐交所同埋納斯達克,市值分別係659億美元以及257億美元。股票交易所歷史過百年,就算納斯達克70年代開始計,亦都發展左一段長時間,反而Coinbase 2012年創辦,僅僅10年已經超越股票交易所市值,將來再發展落去肯定變得更大。

大家唔好誤會,高明唔係推介Coinbase。除咗少數扭曲市場股市焦點係交易所之外,正常發展嘅市場,交易所從來都係配角,情況有如你睇英超,梗係睇利物浦、曼城,點會走去關注英超賽會。

兩間合共接近千億嘅美國交易所,製造左幾間過萬億市值嘅上市公司,好多間市值過千億嘅公司。一個新興加密貨幣交易所,已經等於原有兩間有找,未來從加密貨幣衍生出嚟嘅概念,將會有機會成為下一浪嘅Big Techs。

至於係乜嘢,掘礦股類似江西銅之類資源股,應該唔係。可能係一啲好容易仲加密貨幣交易嘅方式。大家可能會問,PayPal同Square有Bitcoin業務,算唔算係?但兩者業務本質係美元,有啲似油動車公司出部電動車跟潮流。Coinbase有出Visa卡,都係支付概念,但感覺上好似仲未係。

情況有如2000年代,當年大家仲係專注應用業務,少數公司掌握業務帶嚟嘅數據,今日已經成為Big Techs。今代Big Techs太強勁,要取而代之需要時間,下一代究竟係點仲未成形,但係Coinbase上市,至少提左水,下一代肯定同加密貨幣有關。

高明

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

掌握理財智慧 感受生活品味

investMAN全新網頁 優雅登場

-----------------------------

點擊即睇《Bitcoin投資入門手冊》

一書盡覽新手必讀資訊

-----------------------------

【全球樓行】 Dream House零距離

屬於香港人的移民攻略

關心你飯碗,貼近你生活,即Like「蘋果ATM」FB專頁!
BannerBanner