佬訊專欄|ViuTV只有四點收視(佬訊)

更新時間 (HKT): 2021.04.12 15:00

獎門人講得啱,ViuTV的確冇得同tvb比。

首先是觀眾群唔同。以昨晚為例,佬編在長輩屋企家庭聚餐後,電視剛好首播《開心大綜藝》。十年如一日的戲仿、互串,睇頭10分鐘,卻好像看到了永恆,差點以為回到了幾十年前。

只見幾個叔父輩笑到口沫橫飛,後生一輩及師奶群都不忍打擾,默默離席拿出電話iPad,圍埋一齊睇口罩小姐選舉。有幾個還說聽日記得睇番Chill Club,因為有Mirror與Error。You see?根本就冇乜人會準時坐定係電視前面睇Viu。大膽講一句:ViuTV,網絡世界的幻像而已。

再講節目質素,由早年的《瑪嘉烈與大衛》、《啪啪聲,太好聽》,現在的《暖男爸爸》、《膠戰》,ViuTV節目的質素,老實說,就是樣樣亦太一般,無一欄可自滿。低成本制作,話題性和熱度卻大勝TVB,講到尾就是嘩眾取寵,小眾市場的笑話。

反觀無綫,《愛回家》,還有,er,yes,《開心大綜藝》,入面粒粒巨星,套套大製作。尤其是《開心大綜藝》,單論開場那種湖南衛視式的一大班人歌舞,ViuTV已經做唔到啦,數來數去都係得強尼、駱振偉、Shirley Shum,點比?

再講歷史,TVB大大話話五十幾年。小時候去朋友屋企玩,當時大家慣性睇無線,還有之後的Netflix,一直至到近一兩年,才統統轉晒做藍Viu。現在一班人打邊爐,例牌睇《膠戰》、《全民造星》。

現在Mirror紅了,廣告代言多到像繁星多不勝數,很多人就說TVB out了,應該早日收檔。但流行推翻經典,要靠大腦碰撞,即使TVB真的鯨落入大海,至少也可以化作反例與養份,希望大家能夠show some respect。

寫到這裡,突然醒起曾志偉點解會上到位,笑到佬編靈魂醒覺出笑容。TVB,R.A.P.

佬訊

https://www.facebook.com/loshunhk

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

掌握理財智慧 感受生活品味

investMAN全新網頁 優雅登場

-----------------------------

點擊即睇《Bitcoin投資入門手冊》

一書盡覽新手必讀資訊

-----------------------------

【全球樓行】 Dream House零距離

屬於香港人的移民攻略

關心你飯碗,貼近你生活,即Like「蘋果ATM」FB專頁!
BannerBanner