藝術姊妹花見證活化

更新時間 (HKT): 2021.04.12 02:00
■ditto ditto的紙藝產品由設計到生產都在黃竹坑工作室內進行。

【本報訊】姊妹花Donna和Nicole,2011年創立活版印刷及設計工作室ditto ditto,由修讀藝術的妹妹Nicole負責設計,再利用舊式海德堡印刷機進行活版印刷,製作賀卡、明信片等紙藝產品。由於父母早年在黃竹坑開設包裝廠,兩姊妹創業初期為節省成本,只借用公司貨倉作辦公室。

「客人專登跨區探索」

「我嘅工廠幢大廈70年代興建,係全黃竹坑道最矮嘅工廈,近年被收購,將會重建成新式大廈」。姐姐Donna所指的舊工廈,是位於黃竹坑道24號的信誠工業大廈,2016年被資深投資者蔡經陽收購,將重建成一幢27層商廈,總樓面約29.39萬方呎。前年工廈拆卸,兩姊妹需另覓工作室,礙於兩部海德堡印刷機需使用三相電及大型貨𨋢搬運,只能物色區內新型工廈。

自小在黃竹坑出入的Donna見證工廈拆卸、商廈崛起,感覺黃竹坑有極大轉變,「地鐵開通後,公司類型一路變遷,睇到行業變化緊,多咗好多唔同類型公司、餐飲行業、畫廊,生活元素喺呢個社區一路發展」。她笑言以往在黃竹坑「搵食」艱難,現時有得揀,會多留在本區消費,「有時客人會專登由第二區嚟黃竹坑探索,呢區有空間畀新行業開展生意,好似尋寶嘅感覺」。

關心你飯碗,貼近你生活,即Like「蘋果ATM」FB專頁!
BannerBanner