信里一城|痛失荃灣最後新盤的謊言(小師兄)

更新時間 (HKT): 2021.04.21 12:57

90後荃灣妹準備結婚,話自己後悔2年前無抽億京映日灣,說因為這個是荃灣最後一個新盤,令她冇得生於荃灣,長於荃灣。我覺得這是極之難聽的一句話,除非她是超醒,真身是發展商的打手,在硬銷樓盤,製造荃灣好似真是再無新盤的假象,否則她就是無知。你會問,荃灣邊度仲有新盤?我會問,你有冇錢。

知唔知楊屋道爵悅庭前身係乜?知唔知香港有幾多住宅物業是由工廈改建?冇錯,荃灣未來的新盤,不就是工廈改為住宅的項目,我敢打賭,荃灣未來新盤供應就集中楊屋道與橫窩仔街。我如此肯定的原因,是我堅信發展商從來不做蝕本生意。你看,新地 (016)已經做緊嘢,申請將安泰工業中心、王子工業大廈及亞洲脈絡中心等4幢工廈重建成住宅,估計提供超過1,000伙。在經紀眼中,極少出手的麗新都以8億元買入橫窩仔街的卓悅集團中心全幢,地皮屬綜合發展區,可重建住宅樓面面積逾10萬方呎。

從來「最後」、「唯一」、「轉頭業主反價」、「你唔買大把人買」都是銷售套路,真相是最後之後有全新項目,唯一之後有維壹,而如果你而家唔買,作為一個資深及出色的經紀,是永遠不會跟你說這句心裏話:「我好耐無開單,你快啲買返間。」而如果荃灣妹真是好鍾意荃灣,其實買樓不一定買一手,荃景圍啲樓唔使5球。

小師兄

https://www.facebook.com/siuching28

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

掌握理財智慧 感受生活品味

investMAN全新網頁 優雅登場

-----------------------------

點擊即睇《Bitcoin投資入門手冊》

一書盡覽新手必讀資訊

-----------------------------

【全球樓行】 Dream House零距離

屬於香港人的移民攻略

關心你飯碗,貼近你生活,即Like「蘋果ATM」FB專頁!
BannerBanner