【Second Life】如果虛銀無Marketing - 杜夫人

更新時間 (HKT): 2021.05.03 02:00
■虛銀之中,眾安最早開業,鋪天蓋地式宣傳,舊年使咗7,946萬元落市場推廣及廣告支出。 互聯網圖片

虛擬銀行之所以成為話題,全靠Marketing。翻查虛銀新鮮出爐嘅年報,鋪天蓋地式宣傳嘅眾安銀行舊年使咗7,946萬元落市場推廣及廣告支出,livi及平安壹賬通銀行分別耗資4,678萬元及723萬元。

眾安最早開業,又同麥當勞合作推出買滿30元回贈15元優惠,相關推廣支出較livi多近七成也是合理的;平安壹賬通銀行低調地花費七球,據聞只是搵間4A外判所有市場推廣工作。

Startups在不同階段會有不同的市場推廣部署,主打digital的虛銀,最直接是在互聯網上投放資源,同時為增加曝光率及大眾層面品牌知名度,一般會好似眾安、Livi咁做線下廣告,包括TVC、地鐵、巴士、戶外billboard。

必須一提,眾安去年成為唯一虛銀助政府派一萬蚊,一陣東風令其知名度爆升,其間用戶瘋傳開戶邀請碼。

虛銀無實體分行,要跑開戶、申請信用卡、貸款數目,所以乜廣告都好,最終都係要推動受眾下載應用程式、登記開戶或使用APP。

WeLab Bank就醒喇,用唔同嘅code去追蹤成效,最深印象就係叫人用BENSIR個邀請碼開戶,直接call to action,小斯、里先生等唔同KOL就各有各嘅優優推廣碼,可清楚區分邊位KOL、邊類廣告成效比較大。不過,年報未有披露市場推廣涉及幾銀。

如果虛銀無Marketing,可能到𠵱家都無人識,經過一年的推廣,個別虛銀總算跑出,相信未來未必再需要進取落電視廣告,而會用不同的digital途徑,例如KOL、facebook drive、performance marketing 追CPA,亦可更易追蹤到幾多新客戶下載app、開戶、借貸,同時更符合成本效益。

講到尾,既然APP是虛銀的靈魂,做好本質才是最重要,無具競爭力的產品,無優質的用戶體驗,無好嘅內容,再好的Marketing也是枉然的,返到新客最終只會淪為一堆殭屍賬戶。

杜夫人

fb.com/mrsmarydoo

關心你飯碗,貼近你生活,即Like「蘋果ATM」FB專頁!
BannerBanner